ബി.ടി.എസ് ​ഗാനം ബട്ടറിന്റെ 'പൂച്ചക്കുട്ടി' കവർ വേർഷൻ, വൈറൽ വിഡിയോ

കൊറിയൻ സൂപ്പർ ബാൻഡായ ബി.ടി.എസിന്റെ പുതിയ ഗാനം 'ബട്ടർ' റെക്കോർഡുകൾ സ്വന്തമാക്കി ഇപ്പോഴും ജൈത്രയാത്ര തുടരുകയാണ്. അതിനിടെ ​ഗാനത്തിന്റെ പൂച്ചക്കുട്ടി പതിപ്പ് ട്വിറ്ററിൽ വൈറലായി.

നിക്കോൾ എന്നയാൾ ട്വിറ്ററിൽ പോസ്റ്റ് ചെയ്ത വിഡിയോക്ക് നിറഞ്ഞ കൈയ്യടിയാണ് ലഭിക്കുന്നത്. യഥാർഥ വിഡിയോയോടൊപ്പം പൂച്ചകളുടെ കവർ വേർഷനും ഉൾപ്പെടുത്തിയ വിഡിയോയാണ് വൈറലാകുന്നത്.

ആർ.എം, ജിൻ, ഷുഗ, ജെ-ഹോപ്പ്, ജിമിൻ, വി, ജം ഗൂക്ക് എന്നിവരാണ് ഏഴംഗ ബാന്‍ഡായ ബി.ടി.എസിലുള്ളത്​. അവരുടെ രണ്ടാമത്തെ ഇംഗ്ലീഷ്​ ഗാനമാണ്​ 'ബട്ടർ'. ആദ്യത്തെ ഇംഗ്ലീഷ്​ ഗാനം 'ഡൈനമൈറ്റ്' 2020 സെപ്റ്റംബറിൽ ബിൽബോർഡ് ഹോട് പട്ടികയിൽ ഒന്നാമതെത്തിയിരുന്നു.