ഫോ​ട്ടോയെടുക്കാൻ നിന്ന സഞ്ചാരികളുടെ മുന്നിലേക്ക്​ മതിൽ ചാടിക്കയറി കടുവ; പിന്നെ നടന്നതെന്തെന്ന്​ കാണാം

വനത്തിലൂടെയുള്ള യാത്രയിൽ എല്ലാവരും പാലിക്കേണ്ട ഒരു അലിഖിത നിയമമുണ്ട്​-മൗനം പാലിക്കൽ. പക്ഷേ, മൃഗങ്ങളെ കാണുന്ന ആവേശത്തിൽ ചിലരത്​ മറക്കും. അങ്ങിനെ മറക്കു​േമ്പാൾ സംഭവിച്ചേക്കാവുന്ന അപകടമെന്തെന്ന്​ കാണിച്ച്​ തരികയാണ്​ ഇന്ത്യൻ ഫോറസ്റ്റ് സർവിസ്​ ഓഫീസർ സുശാന്ത നന്ദ ട്വിറ്ററിൽ പങ്കുവെച്ച ഈ വിഡിയോ.

മൃഗങ്ങളുടെ ഫോ​ട്ടോയെടുക്കാൻ സഞ്ചാരികൾ നിൽക്കുന്നതും അവരുടെ ബഹളം കേട്ട്​ മതിൽ ചാടിക്കയറി ഒരു കടുവ അവരുടെ മുന്നി​േലക്കെത്തുന്നതുമാണ്​ വിഡിയോയിലുള്ളത്​. ഭയന്ന്​ നിലവിളിക്കുന്ന സഞ്ചാരികളെ ആക്രമിക്കാൻ മുതിരാതെ അൽപനേരം നിന്ന ശേഷം കടുവ മടങ്ങുന്നതും കാണാം.

എവിടെ നിന്ന്​ എടുത്ത വിഡിയോ ആണെന്ന വിശദീകരണമില്ലെങ്കിലും ഒരു ദേശീയ പാർക്കോ ഫോറസ്റ്റ്​ റിസർവോ ആണി​െതന്ന്​ കരുതപ്പെടുന്നു. ജംഗ്​ൾ സഫാരിക്കുപയോഗിക്കുന്ന രണ്ട്​ വാഹനങ്ങളിലാണ്​ സഞ്ചാരികൾ എത്തിയിരിക്കുന്നത്​. ചെറിയ മതിലിനപ്പുറമുള്ള മൃഗങ്ങളുടെ ചിത്രം പകർത്താൻ അവർ നിൽക്കുന്നതാണ്​ വിഡിയോയിലുള്ളത്​.

അതിലൊരാൾ ദൂരെ കടുവയെ കാണു​​േമ്പാൾ 'അതാ അവിടെയുണ്ട്​' എന്ന്​ ഉറക്കെ പറയുന്നത്​ കേൾക്കാം. ഇൗ ബഹളം കേട്ടാണ്​​ കടുവ മതിൽ ചാടിക്കടന്ന്​ ഇവർക്ക്​ മുന്നിലേക്ക്​ എത്തുന്നത്​. 'വിഡ്​ഡികൾ... മനുഷ്യന്‍റെ തലച്ചോർ അടയുകയും വായ തുറക്കുകയും ചെയ്യുന്ന സമയമാണിത്​. ദേഷ്യം നിയന്ത്രിക്കാനുള്ള ആ കടുവയുടെ കഴിവിനെ അഭിനന്ദിക്കുന്നു. പക്ഷേ, ഇത്​ ഭാവിയിലും ഇങ്ങനെയാകുമെന്ന്​ ഉറപ്പാക്കാനാകില്ല'- എന്ന അടിക്കുറിപ്പോടെയാണ്​ ഈ വിഡ​ിയോ പങ്കുവെച്ചിരിക്കുന്നത്​.

'മനുഷ്യർ എപ്പോഴും ശബ്​ദം പുറത്തുവരാത്തൊരു കൂട്ടിലും മൃഗങ്ങൾ സഫാരിയിലുമായിരിക്കണം', 'നമ്മൾ കാട്ടിലാണെന്നും അതിന്​ സ്വന്തമായ നിയമങ്ങളുണ്ടെന്നും നമ്മൾ വീട്ടിലിരുന്ന്​ ടി.വി കാണുകയല്ലെന്നും മനുഷ്യർ ഇനിയും മനസ്സിലാക്കേണ്ടതുണ്ട്​' തുടങ്ങിയ കമന്‍റുകളും വിഡിയോക്ക്​ ലഭിച്ചിട്ടുണ്ട്​.

Idiotitis...
When human brain shuts down & mouth keeps talking.

Appreciate the anger management of the tiger. But that can't be guaranteed in future. pic.twitter.com/dSG3z37fa8

— Susanta Nanda IFS (@susantananda3) January 21, 2021