പൊടുന്നനെ മരിച്ചുവീഴുന്ന ജിം പരിശീലകൻ; കോവിഡ് യുവാക്കളുടെ ആരോഗ്യം തകർത്തെന്ന് വരുൺ ഗാന്ധി വിഡിയോ

കോവിഡ് മഹാമാരി നമ്മുടെ ആരോഗ്യത്തെ സാരമായി ബാധിച്ചിട്ടുണ്ടെന്ന് കാണിക്കുന്ന നിരവധി പഠനങ്ങൾ ഇതിനകം പുറത്തുവന്നിട്ടുണ്ട്. വരുൺ ഗാന്ധി പങ്കുവെച്ച വിഡിയോ ആണ് ഏറ്റവും ഒടുവിൽ സമൂഹമാധ്യമങ്ങളിൽ ചർച്ചയാവുന്നത്. ജിം പരിശീലകൻ ഇരുന്ന ഇരുപ്പിൽ ഹൃദയാഘാതം വന്ന് മരിക്കുന്നതാണ് വിഡിയോയിൽ. ഇത്തരം മരണങ്ങൾ വർധിക്കുകയാണെന്നും മുൻകരുതലെടുക്കണമെന്നും വിഡിയോ പങ്കുവെച്ച് വരുൺ ഗാന്ധി ട്വീറ്റ് ചെയ്തു.

യുവാക്കളിൽ പെട്ടന്ന് ഹൃദയാഘാതം ഉണ്ടാവുകയും മരിക്കുകയും ചെയ്യുന്ന സംഭവങ്ങൾ വർധിക്കുകയാണ്. നമ്മുടെ ശരീരത്തെ എത്രത്തോളം കോവിഡ് മഹാമാരി ബാധിച്ചിട്ടുണ്ടെന്ന് കണ്ടെത്തുന്നതിനായി ഗവേഷണം നടത്തേണ്ടതുണ്ട്. ഗുരുതരമായി കോവിഡ് ബാധിച്ചവർക്ക് സൗജന്യ ടെസ്റ്റുകളും മറ്റ് പരിശോധനകളും നടത്താൻ സൗകര്യം ഒരുക്കേണ്ടതുണ്ട്. - വിഡിയോ പങ്കുവെച്ച് വരുൺഗാന്ധി ട്വീറ്റ് ചെയ്തു.