വിമാനത്തിൽവച്ച്​ ധോണിക്ക്​ ചോക്ലേറ്റ്​ നൽകുന്ന എയർഹോസ്റ്റസ്​; വൈറൽ വിഡിയോയുമായി സി.എസ്​.കെ ഫാൻസ്​

കളിക്കളത്തിലും പുറത്തും ഇതിഹാസ മാനങ്ങളുള്ള വ്യക്​തിത്വമാണ്​ മുൻ ഇന്ത്യൻ ക്രിക്കറ്റ്​ ടീം ക്യാപ്​ടൻ മഹേന്ദ്ര സിങ്​ ധോണി. രാജ്യത്തെ ഏറ്റവും ഫാൻ ഫോളോയിങ്​ ഉള്ള കായിക താരങ്ങളിലൊരാളും ധോണിയാണ്​. ഇപ്പോഴിതാ ​ധോണിയുടെ ഒരു വിഡിയോ സമൂഹമാധ്യമങ്ങളിൽ വൈറലായിരിക്കുകയാണ്​.

വിമാനത്തിൽ സഞ്ചരിക്കവേ ധോണിക്ക്​ ചോക്ലേറ്റ്​ നൽകുന്ന എയർഹോസ്റ്റസിന്‍റെ വിഡിയോ ആണ്​ സി.എസ്​.കെ ഫാൻസ്​ അവരുടെ ഔദ്യോഗിക ഇൻസ്റ്റഗ്രാം അകൗണ്ടിൽ പങ്കുവച്ചിരിക്കുന്നത്​. വിഡിയോ ലക്ഷക്കണക്കിനുപേരാണ്​ സമൂഹമാധ്യമങ്ങളിൽ കണ്ടത്​.

അടുത്തിടെയാണ്​ തന്‍റെ ടീമായ ചെന്നൈ സൂപ്പർ കിങ്​സിനെ ധോണി വീണ്ടും ഐ.പി.എൽ ചാംപ്യൻഷിപ്പ്​ വിജയത്തിലേക്ക്​ നയിച്ചത്​. ഗുജറാത്ത് ടൈറ്റൻസിനെതിരായ ഐപിഎൽ ഫൈനലിൽ ചെന്നൈ സൂപ്പർ കിങ്സിന്റെ വിജയത്തിനു ശേഷം ധോണി പതിവിൽകവിഞ്ഞ വൈകാരികതയിൽ പ്രതികരിക്കുകയും ചെയ്തിരുന്നു.

That Cute moment of MS Dhoni!! 🥹💛pic.twitter.com/MFbdv1uyMB

— DIPTI MSDIAN (@Diptiranjan_7) June 25, 2023

ചെന്നൈ സൂപ്പർ കിങ്സിന്റെ അഞ്ചാം ഐപിഎൽ വിജയത്തിനു പിന്നാലെ രവീന്ദ്ര ജഡേജയെ എടുത്ത് ഉയർത്തിയാണ് ധോണി ആഘോഷിച്ചത്. മഴ നിയമപ്രകാരം 15 ഓവറിൽ 171 റൺസായി ചുരുക്കിയ വിജയ ലക്ഷ്യത്തിലേക്ക് അവസാന പന്തിൽ ചെന്നൈ എത്തിച്ചേരുകയായിരുന്നു. അഞ്ച് വിക്കറ്റ് നഷ്ടത്തിലാണ് ചെന്നൈ വിജയമുറപ്പിച്ചത്.