മരണാനന്തര ചടങ്ങുകളുടെ റിഹേഴ്​സലുമായി 59കാരി; ശവപ്പെട്ടിയിൽ കിടന്നത്​ മണിക്കൂറുകൾ

സാന്‍റി​യ​ാഗോ: പാട്ടിനും ഡാൻസി​നുമെല്ലാം ആളുകൾ റിഹേഴ്​സൽ ചെയ്യാറുണ്ടെന്ന്​ അറിയാം. എന്നാൽ സ്വന്തം സംസ്​കാര ചടങ്ങുകൾ റിഹേഴ്​സൽ ചെയ്​താലോ... കാണുന്നവരും കേൾക്കുന്നവരുമെല്ലാം മുഖം ചുളിക്കും.

അത്തരത്തിൽ മേയ്​​ര അലോൻസോയുടെ 'മരണാനന്തര' ചടങ്ങുകളാണ്​ ഇപ്പോൾ സമൂഹമാധ്യമങ്ങളിലെ ചർച്ച. ജീവിച്ചിരിക്കു​േമ്പാൾ സ്വന്തം മരണാനന്തര ചടങ്ങുകളുടെ റിഹേഴ്​സൽ നടത്തിയിരിക്കുകയാണ്​ ഈ 59കാരി.

വെളുത്ത വസ്​​ത്രമണിഞ്ഞ്​ മൂക്കിൽ പഞ്ഞിവെച്ച്​ തലയിൽ പൂക്കൾ കൊണ്ട്​ അലങ്കരിച്ചുമാണ്​ മേയ്​ര ശവപ്പെട്ടിയിൽ കിടന്നത്​. മണിക്കൂറുകളോളം മേയ്​ര ശവപ്പെട്ടിയിൽ ചിലവഴിച്ചു. ചടങ്ങുകളുടെ ദൃശ്യങ്ങൾ വൻതോതിൽ സമൂഹമാധ്യമങ്ങളിൽ പ്രചരിച്ചു.

ജീവിച്ചിരിക്കേ നടത്തുന്ന മരണാനന്തര ചടങ്ങിൽ പ​ങ്കെടുക്കാൻ സുഹൃത്തുക്കളെയും ബന്ധുക്കളെയും മേയ്​ര തന്നെ ക്ഷണിച്ചിരുന്നു. നിരവധിപേർ പ​ങ്കെടുക്കുകയും ചെയ്​തു. പ​െങ്കടുക്കുക മാത്രമല്ല, ചിലർ ശവപ്പെട്ടിയുടെ ചു​റ്റുംകൂടി നിന്ന്​ വിലപിക്കുന്നതും കരയുന്നതും വിഡിയോയിൽ കാണാം. എന്നാൽ മറ്റുചിലർ മേയ്​രയുടെ അടുത്തെത്തി ചിരിക്കുന്നതും ഫോ​േട്ട​ായെടുക്കുന്നതും കാണാനാകും.

ഡൊമിനിക്കൻ റിപബ്ലിക്​ രാജ്യമായ സാന്‍റിയാഗോയിൽ ഏപ്രിൽ അവസാനത്തോടെയായിരുന്നു സംസ്​കാര ചടങ്ങിന്‍റെ റിഹേഴ്​സൽ.

റിഹേഴ്​സലിനായി മേയ്​ര ചിലവാക്കിയത്​ 710 യൂറോയാണ്​. ഇതിൽ വസ്​ത്രത്തിന്‍റെയും ശവ​െപ്പട്ടിയുടെയും അതിഥികൾക്ക്​ നൽകിയ ഭക്ഷണത്തിന്‍റെയും ചിലവുകൾ ഉൾപ്പെടും.

ചടങ്ങിൽ പ​ങ്കെടുക്കാനെത്തിയവർക്ക്​ നന്ദി അറിയിച്ച 'മേയ്​ര' തന്‍റെ സ്വപ്​നം സഫലമായെന്നായിരുന്നു പ്രതികരിച്ചത്​. നാളെ ഞാൻ ചിലപ്പോൾ മരിച്ചേക്കാം. എന്നാൽ എനിക്കുവേണ്ടി ഇനിയൊന്നും ചെയ്യേണ്ടതില്ല, കാരണം എല്ലാം ചെയ്​തു കഴിഞ്ഞുവെന്നും അവർ പറഞ്ഞു.

അതേസമയം മേയ്​രയുടെ വ്യാജ സംസ്​കാര ചടങ്ങുകൾക്ക്​ സമ്മിശ്ര പ്രതികരണമാണ്​ സമൂഹമാധ്യമങ്ങളി​ൽ ഉയർന്നത്​. ചിലർ മേയ്​രയെ അനുകൂലിച്ചും ചിലർ പ്രതികൂലിച്ചും രംഗത്തെത്തി. കോവിഡ്​ 19നെ തുടർന്ന്​ നിരവധി​േപർക്ക്​ തങ്ങളുടെ പ്രിയപ്പെട്ടവരെ നഷ്​ടമായി ഒന്നും ചെയ്യാൻ കഴിയാതിരിക്കുന്ന സമയത്ത്​ ഇത്തരമൊരു വ്യാജ സംസ്​കാര ചടങ്ങ്​ സംഘടിപ്പി​ച്ചതിനെതിരെ രൂക്ഷ പ്രതികരണമായും നിരവധിപേർ രംഗത്തെത്തി.