മലഞ്ചെരുവിൽ ആസ്വദിച്ച്​ ഊഞ്ഞാലാടുന്നതിനിടെ 6000 അടിയുടെ മുകളിൽനിന്ന്​ താഴേക്ക്​ -ഞെട്ടിക്കുന്ന വിഡിയോ

ഉയർന്നുനിൽക്കുന്ന മലഞ്ചെരുവിന്‍റെ ഒരു ഭാഗത്ത്​ ആസ്വദിച്ച്​ ഊഞ്ഞാലാടുന്നതിനിടെ 6000 അടി മുകളിലുള്ള മലനിരയിൽനിന്ന് താഴേക്ക്​ വീഴുന്ന യുവതികളുടെ ഞെട്ടിക്കുന്ന ദൃശ്യങ്ങൾ പുറത്ത്​. റഷ്യയിൽ നിന്നുള്ളതാണ്​ സമൂഹമാധ്യമങ്ങളിൽ പ്രചരിക്കുന്ന ദൃ​ശ്യങ്ങൾ.

റഷ്യയിലെ സുലക്​ മലയിടുക്കിലാണ്​ സംഭവം. മലഞ്ചെരുവിൽ സ്​ഥാപിച്ചിരിക്കുന്ന ഊഞ്ഞാലിൽ രണ്ടു യുവതികൾ കയറിയിരിക്കുന്നത്​ വിഡിയോയിൽ കാണാം. ഒരാൾ പിറകിൽനിന്ന്​ ഉൗഞ്ഞാലാട്ടി വിടുന്നതും ദൃ​ശ്യങ്ങളിലുണ്ട്​.

ആസ്വദിച്ച്​ ഊഞ്ഞാലാടുന്നതിനിടെ അത്​ ​െപാട്ടി മലയിടുക്കിലേക്ക്​ വീഴുകയായിരുന്നു. 6000അടി മുകളിൽനിന്നാണ്​ ഇവർ ഊഞ്ഞാലാടിയിരുന്നത്​. മലയുടെ താഴേക്ക്​ വീണ രണ്ടുപേരെയും ഉടൻ തന്നെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചു. പരിക്ക്​ ഗുരുതരമല്ല. സുരക്ഷ മാനദണ്ഡങ്ങൾ പാലിച്ചല്ല ഊഞ്ഞാൽ സ്​ഥാപിച്ചതെന്നും അതിനാലാണ്​ രണ്ടു യുവതികൾ വീണതെന്നും ടൂറിസം മന്ത്രാലയം പറഞ്ഞു.

അതേസമയം അപകടത്തിന്‍റെ വിഡിയോ സമൂഹമാധ്യമങ്ങളിൽ പ്രചരിച്ചു. നിരവധിപേരാണ്​ ഞെട്ടൽ രേഖപ്പെടുത്തിയത്​.