'ആർ.സി.ബി ജയിക്കാതെ വിവാഹമില്ല': വൈറലായി പ്ലക്കാർഡ്
text_fieldsഉയരം കൂടും തോറും ചായയുടെ സ്വാദ് കൂടുമെന്ന് പറയുന്നത് പോലെയാണ് ഐ.പി.എല്ലിൽ കാമറക്കാരുടെ കാര്യവും. പ്ലക്കാർഡുകൾ ക്രിയേറ്റീവാണോ, നിങ്ങൾ വൈറലാകും.
ഇത്തരത്തിൽ പ്ലക്കാർഡിലെ വാചകങ്ങൾ കാരണം സമൂഹമാധ്യമങ്ങളിൽ വൈറലായിരിക്കുകയാണ് ഒരു പെൺകുട്ടി. എന്താണ് ആ ക്രിയേറ്റീവ് വരികൾ എന്നല്ലേ? 'ഐ.പി.എൽ ട്രോഫി ആർ.സി.ബി (റോയൽ ചാലഞ്ചേഴ്സ് ബാഗ്ലൂർ) നേടുന്നത് വരെ വിവാഹം കഴിക്കില്ല'.
![](https://www.madhyamam.com/h-upload/2022/04/13/1517396-1.webp)
ചൊവ്വാഴ്ച ചെന്നൈ സൂപ്പർ കിങ്സും റോയൽ ചാലഞ്ചേഴ്സ് ബാഗ്ലൂരും തമ്മിൽ നടന്ന മത്സരത്തിനിടെയാണ് വിചിത്രമായ പ്ലക്ക് കാർഡുമായി യുവതി എത്തിയത്. ചിത്രം വൈറലായതോടെ നിരവധി പേരാണ് കമന്റുകളുമായി രംഗത്തെത്തിയത്.
ഐ.പി.എല്ലിൽ ഇതുവരെ ആർ.സി.ബി ട്രോഫി നേടിയിട്ടില്ല. ഈ സാഹചര്യം നിലനിൽക്കെ പെൺകുട്ടിയോട് കടുത്ത തീരുമാനങ്ങൾ എടുക്കരുതെന്നാണ് സമൂഹ മാധ്യമങ്ങളുടെ അഭ്യർഥന.
രസകരമായ മീമുകളും കമന്റുകളുമാണ് പേരറിയാത്ത പെൺകുട്ടിയുടെ ചിത്രത്തിന് ലഭിക്കുന്നത്. പെൺകുട്ടിയുടെ മാതാപിതാക്കളെ കുറിച്ച് ആശങ്ക തോന്നുന്നു എന്നായിരുന്നു ഇന്ത്യൻ ക്രിക്കറ്റ് താരമായ അമിത് മിശ്രയുടെ അഭിപ്രായം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.