സൗത്ത് വെസ്റ്റ് തായ്ക്വോണ്ടോ ചാമ്പ്യൻഷിപ്പിൽ കേരളത്തിന് മൂന്നാം സ്ഥാനം

കോഴിക്കോട്: 18ാമത് ഐ.ടി.എഫ് സൗത്ത് വെസ്റ്റ് തായ്ക്വോണ്ടോ ചാമ്പ്യൻഷിപ്പിൽ കേരളത്തിന് മൂന്നാം സ്ഥാനം. ഹൈദരാബാദ് ജി.എം.സി ബാലയോഗി സ്റ്റേഡിയത്തിൽ നടന്ന ചാമ്പ്യൻഷിപ്പിൽ കർണാടക ഒന്നാം സ്ഥാനം കരസ്ഥാമാക്കി.

ഡൽഹിയാണ് രണ്ടാമത്. 14 സംസ്ഥാനങ്ങളിൽനിന്നായി 600 പേർ പങ്കെടുത്ത ചാമ്പ്യൻഷിപ്പിൽ കേരളം 12 സ്വർണവും 13 വെള്ളിയും 15 വെങ്കലവും നേടി. ഇതോടൊപ്പം നടന്ന ഏഴാമത് സൗത്ത് ഏഷ്യൻ ചാമ്പ്യൻഷിപ്പിൽ കേരളം മൂന്നു സ്വർണവും നാലു വെള്ളിയും വെങ്കലവും നേടി.