ഏഷ്യൻ ഗെയിംസ്: ഹർമൻപ്രീത് സിങ്ങും ലവ്‍ലിനയും പതാകയേന്തും

ന്യൂഡൽഹി: ഹോക്കി ക്യാപ്റ്റൻ ഹർമൻപ്രീത് സിങ്ങും ബോക്സർ ലവ്‍ലിന ബൊർഗൊഹെയ്നും ഹാങ്ചോവിൽ സെപ്റ്റംബർ 23ന് നടക്കുന്ന ഏഷ്യൻ ഗെയിംസ് ഉദ്ഘാടനച്ചടങ്ങിൽ ഇന്ത്യൻ പതാകയേന്തും.

ഇന്ത്യൻ ഒളിമ്പിക് അസോസിയേഷനാണ് ഇക്കാര്യം അറിയിച്ചത്. 2018ലെ ഗെയിംസിൽ ജാവലിൻത്രോ സൂപ്പർതാരം നീരജ് ചോപ്രയായിരുന്നു പതാകവാഹകൻ. ടോക്യോ ഒളിമ്പിക്സ് പുരുഷ ഹോക്കി വെങ്കലം നേടിയ ടീമിനെ നയിച്ചത് ഹർമൻപ്രീതാണ്.

ടോക്യോയിൽ വനിത ബോക്സിങ് 69 കിലോഗ്രാം ഇനത്തിൽ ലവ്‍ലിനയും വെങ്കലം സ്വന്തമാക്കിയിരുന്നു. 655 അംഗം സംഘമാണ് ഇന്ത്യക്കുവേണ്ടി ഇറങ്ങുന്നത്.