ഏ​ഷ്യ​ൻ ഗെ​യിം​സ്; ബാ​ഡ്മി​ന്റ​ണി​ൽ ഇ​ന്നി​റ​ങ്ങു​ന്നു

ഹാ​ങ്ചൗ: ഏ​ഷ്യ​ൻ ഗെ​യിം​സ് ബാ​ഡ്മി​ന്റ​ൺ ടീം ​ഇ​ന​ങ്ങ​ളി​ൽ ഏ​റെ പ്ര​തീ​ക്ഷ​യോ​ടെ ഇ​ന്ത്യ വ്യാ​ഴാ​ഴ്ച​യി​റ​ങ്ങു​ന്നു. ലോ​ക​ത്തി​ലെ ക​രു​ത്ത​രാ​യ ചൈ​ന, ജ​പ്പാ​ൻ, ഇ​ന്തോ​നേ​ഷ്യ, മ​ലേ​ഷ്യ, കൊ​റി​യ തു​ട​ങ്ങി​യ രാ​ജ്യ​ങ്ങ​ൾ മാ​റ്റു​ര​ക്കു​ന്ന വേ​ദി​യി​ൽ ഇ​തു​വ​രെ മാ​റോ​ട് ചേ​ർ​ക്കാ​ൻ ക​ഴി​യാ​തെ പോ​യ സ്വ​ർ​ണം തേ​ടി​യാ​ണ് ഇ​ന്ത്യ​യു​ടെ പ​ട​പു​റ​പ്പാ​ട്. ടീം ​ഇ​ന​ങ്ങ​ളി​ലും പു​രു​ഷ സിം​ഗി​ൾ​സി​ൽ മ​ല​യാ​ളി​യാ​യ എ​ച്ച്.​എ​സ്. പ്ര​ണോ​യി​യി​ലും ഡ​ബ്ൾ​സി​ൽ സാ​ത്വി​ക് സാ​യ് രാ​ജ് രാ​ൻ​കി​റെ​ഡ്ഡി ചി​രാ​ഗ് ഷെ​ട്ടി കൂ​ട്ടു​കെ​ട്ടി​ലു​മാ​ണ് ഇ​ന്ത്യ ഉ​റ്റു​നോ​ക്കു​ന്ന​ത്.

ഏ​ഷ്യ​ൻ ഗെ​യിം​സ് ബാ​ഡ്മി​ന്റ​ൺ ച​രി​ത്ര​ത്തി​ൽ ഇ​ന്ത്യ​യു​ടെ സ​മ്പാ​ദ്യം ഇ​തു​വ​രെ വെ​റും 10 മെ​ഡ​ൽ മാ​ത്ര​മാ​ണ്. പു​രു​ഷ ടീ​മി​ന​ത്തി​ൽ മൂ​ന്നും വ​നി​ത​ക​ളു​ടെ ടീ​മി​ന​ത്തി​ൽ ര​ണ്ടും വെ​ങ്ക​ല മെ​ഡ​ൽ നേ​ടി​യ​പ്പോ​ൾ പു​രു​ഷ ഡ​ബ്ൾ​സി​ലും മി​ക്സ്ഡ് ഡ​ബ്ൾ​സി​ലും ഓ​രോ ​മെ​ഡ​ലു​ക​ൾ കി​ട്ടി.

വ്യ​ക്തി​ഗ​ത ഇ​ന​ത്തി​ൽ മൂ​ന്ന് ത​വ​ണ​യാ​ണ് ഇ​ന്ത്യ​ക്കാ​ർ മെ​ഡ​ൽ പോ​ഡി​യം ച​വി​ട്ടി​യ​ത്. ക​ഴി​ഞ്ഞ ത​വ​ണ പി.​വി. സി​ന്ധു നേ​ടി​യ വെ​ള്ളി​യാ​ണ് വ്യ​ക്തി​ഗ​ത ഇ​ന​ത്തി​ലെ മി​ക​ച്ച നേ​ട്ടം. ജ​ക്കാ​ർ​ത്ത​യി​ൽ സൈ​ന നെ​ഹ്‍വാ​ൾ വെ​ങ്ക​ലം നേ​ടി​യ​പ്പോ​ൾ സ​യ്യി​ദ് മോ​ഡി​യു​ടെ വ​ക​യാ​യി​രു​ന്നു പു​രു​ഷ സിം​ഗി​ൾ​സി​ലെ ഏ​ക വെ​ങ്ക​ല മെ​ഡ​ൽ.

എ​തി​രാ​ളി​ക​ൾ ക​രു​ത്ത​രാ​ണെ​ങ്കി​ലും ത​ങ്ങ​ളു​ടേ​താ​യ ദി​വ​സം ഏ​ത് കൊ​ല​കൊ​മ്പ​ന്മാ​രെ​യും കീ​ഴ​ട​ക്കാ​ൻ കെ​ൽ​പു​ള്ള​വ​രാ​ണ് പ്ര​ണോ​യും ല​ക്ഷ്യ​സെ​ന്നും കി​ഡം​ബി ശ്രീ​കാ​ന്തു​മൊ​ക്കെ. രാ​ൻ​കി റെ​ഡ്ഡി ചി​രാ​ഗ് ഷെ​ട്ടി കൂ​ട്ടു​കെ​ട്ട് ലോ​ക​ത്തി​ലെ ത​ന്നെ മു​ൻ​നി​ര​ക്കാ​രാ​ണ്.

വ​നി​ത​ക​ളി​ൽ ര​ണ്ടു ഒ​ളി​മ്പി​ക് മെ​ഡ​ലു​ക​ൾ മാ​റോ​ട് ചേ​ർ​ത്ത സി​ന്ധു ഒ​ട്ടും ഫോ​മി​ല​ല്ലാ​ത്ത​താ​ണ് ഇ​ന്ത്യ​യെ കു​ഴ​ക്കു​ന്ന​ത്. താ​ര​ത​മ്യേ​ന പു​തു​മു​ഖ​ങ്ങ​ളാ​യ അ​ഷ്മി​ത ചാ​ലി​ഹ,അ​നു​പ​മ ഉ​പാ​ധ്യാ​യ്, മാ​ള​വി​ക ബ​ൻ​സോ​ദ് എ​ന്നി​വ​ർ​ക്ക് ആ​ൻ സെ ​യു​ങ്ങും താ​യ് സു ​യി​ങു​ം അ​കാ​നെ യാ​മ​ഗു​ച്ചി​യു​മൊ​ക്കെ ക​ളി​ക്കു​ന്ന കോ​ർ​ട്ടു​ക​ളി​ൽ എ​ത്ര ​വ​രെ മു​ന്നേ​റാ​നാ​വു​മെ​ന്ന് ക​ണ്ട​റി​യ​ണം.

വ​നി​താ ഡ​ബ്ൾ​സി​ൽ മ​ല​യാ​ളി​യാ​യ ട്രീ​സ ജോ​ളി​യും ഗാ​യ​ത്രി ഗോ​പി​ച​ന്ദു​മാ​ണ് റാ​ങ്കി​ങ്ങി​ൽ മു​ന്നി​ലു​ള്ള ഇ​ന്ത്യ​ൻ ജോ​ടി. ഇ​ന്ന് ആ​രം​ഭി​ക്കു​ന്ന ടീം ​പോ​രാ​ട്ട​ങ്ങ​ൾ​ക്ക് ശേ​ഷം ഒ​ക്ടോ​ബ​ർ ര​ണ്ടു മു​ത​ലാ​ണ് വ്യ​ക്തി​ഗ​ത മ​ത്സ​ര​ങ്ങ​ൾ.