കാ​ന​ഡ ഓ​പ​ൺ പു​രു​ഷ സിം​ഗ്ൾ​സ് കി​രീ​ടം ല​ക്ഷ്യ സെ​ന്നി​ന്

കാ​ല്‍ഗ​റി: കാ​ന​ഡ ഓ​പ​ണ്‍ സൂ​പ്പ​ര്‍ 500 ബാ​ഡ്മി​ന്റ​ൺ ടൂ​ർ​ണ​മെ​ന്റി​ൽ ഇ​ന്ത്യ​യു​ടെ ല​ക്ഷ്യ സെ​ന്നി​ന് കി​രീ​ട​മു​ത്തം. ഇ​ന്ത്യ​ന്‍ സ​മ​യം തി​ങ്ക​ളാ​ഴ്ച പു​ല​ര്‍ച്ചെ ന​ട​ന്ന ഫൈ​ന​ലി​ല്‍ ചൈ​ന​യു​ടെ ലി ​ഷി​ഫെ​ങ്ങി​നെ നേ​രി​ട്ടു​ള്ള ഗെ​യി​മു​ക​ള്‍ക്ക് പ​രാ​ജ​യ​പ്പെ​ടു​ത്തി​യാ​ണ് 21കാ​ര​ൻ ജേ​താ​വാ​യ​ത്. സ്‌​കോ​ര്‍: 21-18, 22-20. ക​ഴി​ഞ്ഞ വ​ർ​ഷം ഇ​ന്ത്യ​ൻ ഓ​പ​ണി​ലും ചാ​മ്പ്യ​നാ​യ താ​ര​ത്തി​ന്റെ ര​ണ്ടാം സൂ​പ്പ​ര്‍ 500 കി​രീ​ട​മാ​ണി​ത്. ഈ ​വ​ര്‍ഷം ല​ക്ഷ്യ നേ​ടു​ന്ന ആ​ദ്യ​ത്തെ നേ​ട്ട​വും.

സീ​സ​ണി​ന്റെ തു​ട​ക്ക​ത്തി​ൽ ഫോം ​ക​ണ്ടെ​ത്താ​ൻ വി​ഷ​മി​ച്ച ല​ക്ഷ്യ റാ​ങ്കി​ങ്ങി​ൽ 19ാം സ്ഥാ​ന​ത്തേ​ക്കു പി​ന്ത​ള്ള​പ്പെ​ട്ടി​രു​ന്നെ​ങ്കി​ലും കി​രീ​ട​ത്തോ​ടെ തി​രി​ച്ചെ​ത്തു​ക​യാ​യി​രു​ന്നു.

ക​ന​ത്ത പോ​രാ​ട്ട​ത്തി​നൊ​ടു​വി​ലാ​ണ് ഫൈ​ന​ലി​ൽ ലി ​ഷി​ഫെ​ങ്ങി​നെ കീ​ഴ​ട​ക്കി​യ​ത്. സെ​മി​ഫൈ​ന​ലി​ൽ ജ​പ്പാ​ന്റെ കെ​ന്റാ നി​ഷി​മോ​ട്ടോ​യെ 21-17, 21-14 സ്കോ​റി​ന് തോ​ൽ​പി​ച്ചാ​യി​രു​ന്നു ഉ​ത്ത​രാ​ഖ​ണ്ഡു​കാ​ര​നാ​യ ല​ക്ഷ്യ​യു​ടെ ഫൈ​ന​ല്‍ പ്ര​വേ​ശ​നം. 2022 ആ​ഗ​സ്റ്റി​ല്‍ ന​ട​ന്ന ബി​ര്‍മി​ങ്ഹാം കോ​മ​ണ്‍വെ​ല്‍ത്ത് ഗെ​യിം​സി​ൽ ല​ക്ഷ്യ ഫൈ​ന​ലി​ലെ​ത്തു​ക​യും സ്വ​ർ​ണം നേ​ടു​ക​യും ചെ​യ്തി​രു​ന്നു. അ​തി​നു​ശേ​ഷം ആ​ദ്യ​ത്തെ ഫൈ​ന​ലാ​ണി​ത്. മേ​യി​ൽ മ​ലേ​ഷ്യ മാ​സ്റ്റേ​ഴ്സി​ൽ മ​ല​യാ​ളി താ​രം എ​ച്ച്.​എ​സ്. പ്ര​ണോ​യി ജേ​താ​വാ​യ​ശേ​ഷം ഈ ​വ​ർ​ഷം പ്ര​ധാ​ന കി​രീ​ടം നേ​ടു​ന്ന ര​ണ്ടാ​മ​ത്തെ സിം​ഗ്ൾ​സ് താ​ര​മാ​ണ് ല​ക്ഷ്യ.