ബാഡ്മിന്റൺ അസോസിയേഷൻ ‘നോക്കു​കൂലി’യിൽ വൻ വർധന

കോ​ഴി​ക്കോ​ട്: ബാ​ഡ്മി​ന്റ​ൺ അ​സോ​സി​യേ​ഷ​ൻ ഓ​ഫ് ഇ​ന്ത്യ​യു​ടെ (ബാ​യ്) നോ​ക്കു​കൂ​ലി​ക്ക് സ​മാ​ന​മാ​യ ര​ജി​സ്ട്രേ​ഷ​ൻ ഫീ​സ് വ​ർ​ധി​പ്പി​ച്ച​ത് വി​വാ​ദ​മാ​കു​ന്നു. ഷ​ട്ടി​ൽ ബാ​ഡ്മി​ന്റ​ൺ ക​ളി​ക്കാ​രു​ടെ സം​ഘ​ട​ന​യാ​യ ബാ​ഡ്മി​ന്റ​ൻ അ​സോ​സി​യേ​ഷ​ൻ ഓ​ഫ് ഇ​ന്ത്യ​യാ​ണ് 500 രൂ​പ​യാ​യി​രു​ന്ന ര​ജി​സ്ട്രേ​ഷ​ൻ ഫീ​സ് 3000 രൂ​പ​യാ​യി ഉ​യ​ർ​ത്തി​യ​ത്. രണ്ട് വർഷം മുമ്പ് 100ൽ നിന്ന് 500 ആക്കിയതായിരുന്നു.

അ​ഖി​ലേ​ന്ത്യ ജ​ന​റ​ൽ ബോ​ഡി യോ​ഗ​ത്തി​ലാ​ണ് തീ​രു​മാ​നം കൈ​ക്കൊ​ണ്ട​ത്. ക​ളി​ക്കാ​ർ​ക്ക് മ​ത്സ​ര​ത്തി​ൽ പ​​ങ്കെ​ടു​ക്കാ​ൻ കേ​ന്ദ്ര കാ​യി​ക മ​ന്ത്രാ​ല​യ​ത്തി​ന്റെ അ​നു​മ​തി​യോ​ടെ​യു​ള്ള സം​ഘ​ട​ന​യാ​യ ബാ​ൻ​ഡ്മി​ന്റ​ൺ അ​സോ​സി​യേ​ഷ​ൻ ഓ​ഫ് ഇ​ന്ത്യ​യു​ടെ ഐ.​ഡി വേ​ണ്ട​തി​നാ​ൽ അം​ഗ​ത്വ​ത്തി​ന് എ​ല്ലാ ക​ളി​ക്കാ​രും നി​ർ​ബ​ന്ധി​ത​രാ​വു​ക​യാ​ണ്. ഐ.​ഡി അ​സോ​സി​യേ​ഷ​ൻ അം​ഗ​ത്വം ത​ന്നെ​യാ​ണെ​ങ്കി​ലും ക​ളി​ക്കാ​ർ​ക്ക് ജ​ന​റ​ൽ ബോ​ഡി​യി​ൽ വോ​ട്ട​വ​കാ​ശ​മൊ​ന്നു​മി​ല്ല.

ഇ​നി​മു​ത​ൽ ഐ.​ഡി പു​തു​ക്കാ​ൻ എ​ല്ലാ​വ​ർ​ഷ​വും 1000 രൂ​പ ഫീ​സ് ന​ൽ​ക​ണം. ബാ​ഡ്മി​ൻ​റ​ൺ പ്രോ​ത്സാ​ഹ​ന​ത്തി​ന് വി​ല​ങ്ങു​ത​ടി​യാ​വു​ക​യാ​ണ് ഇ​രു​തീ​രു​മാ​ന​ങ്ങ​ളെ​ന്നും പ​രാ​തി ഉ​യ​ർ​ന്നു. ഐ.​ഡി കൊ​ണ്ട് ക​ളി​ക്കാ​ർ​ക്ക് കാ​ര്യ​മാ​യ ഗു​ണ​മൊ​ന്നും ഇ​ല്ലെ​ന്നാ​ണ് വി​ല​യി​രു​ത്ത​ൽ. ടൂ​ർ​ണ​മെ​ന്റു​ക​ൾ ന​ട​ത്തു​ന്ന​ത് സം​സ്ഥാ​ന, ജി​ല്ല അ​സോ​സി​യേ​ഷ​നു​ക​ളാ​ണ്. ക​ളി​ക്കാ​ർ ടൂ​ർ​ണ​മെ​ന്റി​ൽ പ​ങ്കെ​ടു​ക്ക​ണ​മെ​ങ്കി​ൽ ടൂ​ർ​ണ​മെ​ന്റ് ക​മ്മി​റ്റി​ക്ക് എ​ൻ​ട്രി ഫീ​സ് ന​ൽ​കു​ക​യും വേ​ണം. അ​തു​കൊ​ണ്ടു​ത​ന്നെ ര​ജി​സ്ട്രേ​ഷ​ൻ ഫീ​സ് ഒ​രു​ത​ര​ത്തി​ൽ നോ​ക്കു​കൂ​ലി​യാ​യി മാ​റു​ക​യാ​ണെ​ന്നാ​ണ് ക​ളി​ക്കാ​രും സം​ഘ​ട​ന ഭാ​ര​വാ​ഹി​ക​ളും പ​റ​യു​ന്ന​ത്. ഈ ​ചൂ​ഷ​ണം മ​റ്റ് സ്പോ​ട്സ് അ​സോ​സി​യേ​ഷ​നു​ക​ളി​ലൊ​ന്നു​മി​ല്ല. വ​ർ​ഷം ല​ക്ഷ​ക്ക​ണ​ക്കി​ന് രൂ​പ​യാ​ണ് ഫീ​സ് ഇ​ന​ത്തി​ൽ ല​ഭി​ക്കു​ന്ന​ത്.

അ​സോ​സി​യേ​ഷ​ന്റെ അ​നു​മ​തി​യി​ല്ലാ​തെ ഷ​ട്ടി​ൽ ബാ​ഡ്മി​ന്റ​ൺ ടൂ​ർ​ണ​മെ​ന്റു​ക​ളും മ​ത്സ​ര​ങ്ങ​ളും ന​ട​ത്താ​ൻ ക​ഴി​യി​ല്ല. അ​നു​മ​തി​യി​ല്ലാ​തെ ടൂ​ർ​ണ​മെ​ന്റ് ന​ട​ത്തി​യാ​ൽ അ​ന​ധി​കൃ​ത ടൂ​ർ​ണ​മെ​ന്റാ​യി ക​ണ​ക്കാ​ക്കി പ​ങ്കെ​ടു​ക്കു​ന്ന​വ​രെ വി​ല​ക്കു​ക​യും ചെ​യ്യും. വി​ദ്യാ​ർ​ഥി​ക​ളെ​യും മു​തി​ർ​ന്ന പൗ​ര​ന്മാ​രെ​യും ര​ജി​സ്ട്രേ​ഷ​ൻ ഫീ​സി​ൽ​നി​ന്ന് ഒ​ഴി​വാ​ക്ക​ണ​മെ​ന്ന് ആ​വ​ശ്യ​മു​യ​ർ​ത്തി സം​ഘ​ട​ന​ക​ൾ പ്ര​മേ​യം പാ​സാ​ക്കി​യി​ട്ടു​ണ്ട്.