ബാഡ്മിന്റൺ ഏഷ്യ ചാമ്പ്യൻഷിപ്പ്: സിന്ധു സെമിയിൽ

മനില: രണ്ടുവട്ടം ഒളിമ്പിക്സ് മെഡൽ ജേതാവായ ഇന്ത്യയുടെ ബാഡ്മിന്റൺ താരം പി.വി. സിന്ധു ബാഡ്മിന്റൺ ഏഷ്യ ചാമ്പ്യൻഷിപ്പിന്റെ സെമിഫൈനലിൽ പ്രവേശിച്ചു.

ചൈനയുടെ ഹേ ബിങ് ജാവോയെയാണ് സിന്ധു 21-9, 13-21, 21-19 എന്ന സ്കോറിന് തോൽപിച്ചത്. ഇതോടെ സിന്ധു ചാമ്പ്യൻഷിപ്പിൽ മെഡൽ ഉറപ്പിച്ചു. ഇതിനുമുമ്പ് ഏറ്റുമുട്ടിയപ്പോൾ ഒമ്പതു തവണയും ബിങ് ജാവോക്കായിരുന്നു ജയം. ഏഴുതവണ വിജയം സിന്ധുവിനൊപ്പമായിരുന്നു.

ആ റെക്കോഡിന്റെ മുൻതൂക്കത്തിൽ കളിക്കാനിറങ്ങിയ ബിങ് ജാവോയെ സിന്ധു ഇക്കുറി തറപറ്റിച്ചു. 2014ലെ ചാമ്പ്യൻഷിപ്പിൽ സിന്ധു വെങ്കലം നേടിയിരുന്നു.