ഏഷ്യ ബാഡ്മിന്റൺ ചാമ്പ്യൻഷിപ്പ്: സിന്ധു, പ്രണോയ് ക്വാർട്ടറിൽ
text_fieldsദുബൈ: ഏഷ്യ ബാഡ്മിന്റൺ ചാമ്പ്യൻഷിപ്പിൽ ഇന്ത്യയുടെ പി.വി സിന്ധു, മലയാളി താരം എച്ച്.എസ്. പ്രണോയ് ക്വാർട്ടർ ഫൈനലിൽ പ്രവേശിച്ചപ്പോൾ കിഡംബി ശ്രീകാന്ത് പ്രീ ക്വാർട്ടറിൽ പുറത്തായി. വനിത സിംഗ്ൾസിൽ ചൈനയുടെ ഹാൻ യൂവിനെ 21-12, 21-15 സിന്ധുവും തോൽപിച്ചു. പുരുഷ സിംഗ്ൾസിൽ പ്രണോയ് 21-16, 5-21, 21-18 സ്കോറിന് ഇന്തോനേഷ്യയുടെ ചികോ ഓറ ദ്വി വർഡോയോയെ തോൽപിച്ചു. ജപ്പാന്റെ കാന്റ സുനെയമയാണ് ക്വാർട്ടറിലെ എതിരാളി.
ജാപ്പനീസ് താരമായ കൊഡായ് നരോകയോട് 14-21, 22-20, 9-21നാണ് ശ്രീകാന്ത് തോറ്റത്. വനിത ഡബ്ൾസ് പ്രീ ക്വാർട്ടറിൽ ട്രീസ ജോളി-ഗായത്രി ഗോപിചന്ദ് സഖ്യം പരിക്കുമൂലം പിൻവാങ്ങി. മിക്സഡ് ഡബ്ൾസിൽ രോഹൻ കപൂർ-സിക്കി റെഡ്ഡി ജോടി വാക്കോവറിൽ ക്വാർട്ടറിൽ കടന്നപ്പോൾ സുമീത് റെഡ്ഡി-അശ്വിനി പൊന്നപ്പ സഖ്യം തായ് വാന്റെ ചാങ് കോ ചി-ലീ ചിഹ് ചെൻ കൂട്ടുകെട്ടിനോട് 15-21, 17-21ന് മുട്ടുമടക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.