ഐ.പി.എല്ലിൽ പൂജ്യത്തിന്​ പുറത്തായത്​ 13 തവണ; റെക്കോഡിനൊപ്പം രോഹിത്​ ശർമ

ഷാർജ: സ്വന്തം ടീം ​ഫൈനലിലെത്തിയെങ്കിലും ​െഎ.പി.എല്ലി​ൽ നാണക്കേടി​െൻറ റെക്കോഡ്​ തീർത്ത്​ മുംബൈ ഇന്ത്യൻസ്​ നായകൻ രോഹിത്​ ശർമ. 13 തവണ പൂജ്യത്തിന്​ പുറത്തായെന്ന റൊക്കോഡിനൊപ്പമാണ്​ ഹിറ്റ്​മാൻ എത്തിയത്​. ഡൽഹി ക്യാപിറ്റൽസിനെതിരായ മത്സരത്തിൽ നേരിട്ട ആദ്യ പന്തിൽ തന്നെ ഒൗട്ടാവുകയായിരുന്നു. ഇന്ത്യൻ താരം അശ്വി​നാണ്​ വിക്കറ്റിന്​ മുന്നിൽ കുരുക്കിയത്​.

റോയൽ ചലഞ്ചേഴ്​സ്​ ബാംഗ്ലൂർ താരം പാർഥിവ്​ പ​േട്ടൽ, ചെന്നൈ സൂപ്പർ കിങ്സി​െൻറ ഹർഭജൻ സിങ്​ എന്നിവരാണ്​ 13 തവണ ഡക്കായ മറ്റു താരങ്ങൾ. ഇൗ സീസണിൽ പരിക്കിനെ തുടർന്ന്​ രോഹിത്​ ഏതാനും മത്സരങ്ങളിൽ കളിച്ചിരുന്നില്ല. കൂടാതെ, ആസ്​ട്രേലിയക്കെതിരായ ഇന്ത്യൻ ടീമിലും ​ഉൾപ്പെട്ടിരുന്നില്ല. ഇത്​ ഏറെ വിവാദങ്ങൾക്ക്​ വഴിവെച്ചിരുന്നു.

രോഹിതിനെ ടീമിലുൾപ്പെടുത്താത്തതിന്​ പിന്നിൽ നായകൻ വിരാട്​ കോഹ്​ലിയാണെന്നായിരുന്നു ആരോപണം. എന്നാൽ, ഇത്​ തെറ്റാണെന്ന്​ കാണിച്ച്​ ബി.സി.സി.​െഎ അധ്യക്ഷൻ സൗരവ്​ ഗാംഗുലി തന്നെ രംഗത്തെത്തി. രോഹിത്​ ഫിറ്റ്​നസ്​ തെളിയിച്ചാൽ ടീമിലേക്ക്​ പരിഗണിക്കുമെന്ന്​ ഗാംഗുലി അറിയിച്ചിരുന്നു.

പരിക്ക്​ ഭേദമായതിനെ തുടർന്ന്​ രോഹിത്​ ഹൈദരാബാദിനെതിരായ ഗ്രൂപ്പ്​ ഘട്ടത്തിലെ അവസാന മത്സരത്തിൽ തിരിച്ചെത്തി. എന്നാൽ, നാല്​ റൺസ്​ മാത്രമായിരുന്നു നായക​െൻറ സമ്പാദ്യം. ടീം തോൽക്കുകയും ചെയ്​തു.

​െഎ.പി.എല്ലി​െൻറ ഇൗ സീസണിൽ കാര്യമായ ഫോമിലേക്ക്​ ഉയരാൻ രോഹിത്തിന്​ സാധിച്ചിട്ടില്ല. 11 മത്സരങ്ങളിൽനിന്ന്​ ആകെ 264 റൺസാണ്​ സമ്പാദ്യം. രണ്ട്​ തവണ മാത്രമാണ്​ 50 കടന്നത്​. 126.31 ആണ്​ സ്​​ട്രേക്ക്​ റേറ്റ്​.

ഇതുകൂടാതെ മുൻ സീസണുകളിലെ ​േപ്ലഒാഫ്​ മത്സരങ്ങളിലും രോഹിത്തി​േൻറത്​ മോശം പ്രകടനമാണെന്ന്​ കണക്കുകൾ ചൂണ്ടിക്കാട്ടുന്നു​. 19 മത്സരങ്ങളിൽനിന്നായി ഇതുവരെയുള്ള സമ്പാദ്യം 229 റൺസാണ്​. ആവറേജ്​ 12.72 മാത്രം. സ്​ട്രേക്ക്​ റേറ്റി​െൻറ കാര്യത്തിലും പിന്നിലാണ്​ ^101.32. മൂന്ന്​ തവണ ഡക്കാവുകയും ചെയ്​തു.