ശ്രീലങ്കക്കെതിരായ ഒന്നാം ടെസ്റ്റ്; പാകിസ്താന് നാലു വിക്കറ്റ് ജയം

ഗാലേ: ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റിൽ പാകിസ്താന് നാലു വിക്കറ്റ് ജയം. ആതിഥേയർ കുറിച്ച 131 റൺസ് ലക്ഷ്യം അഞ്ചാം നാൾ ആറു വിക്കറ്റ് നഷ്ടത്തിലാണ് പാക് ബാറ്റർമാർ മറികടന്നത്.

സ്കോർ: 312 & 279, പാകിസ്താൻ 461 & 133/6. ഒന്നാം ഇന്നിങ്സിൽ ഇരട്ട ശതകം നേടിയ പാകിസ്താൻ താരം സൗദ് ഷക്കീലാണ് പ്ലെയർ ഓഫ് ദ മാച്ച്. വ്യാഴാഴ്ച മൂന്നു വിക്കറ്റിന് 48 റൺസെന്ന നിലയിലാണ് സന്ദർശകർ ബാറ്റിങ് പുനരാരംഭിച്ചത്. ക്യാപ്റ്റൻ ബാബർ അഅ്സം (24) പുറത്താവുമ്പോൾ സ്കോർ 79.

സൗദ് ഷക്കീൽ (30) അഞ്ചാമനായും മടങ്ങി. ഈ സമയത്ത് ജയത്തിന് ഒമ്പതു റൺസ് മാത്രം അകലെയായിരുന്നു പാകിസ്താൻ. ഒാപണർ ഇമാമുൽ ഹഖ് (50) അർധശതകവുമായി പുറത്താകാതെ നിന്നു. രണ്ടു മത്സര പരമ്പരയിലെ അവസാന ടെസ്റ്റ് ജൂലൈ 24 മുതൽ കൊളംബോയിൽ നടക്കും.