പ്രായം വെറും അക്കങ്ങൾ മാത്രം; ധോണി പറന്നുയർന്നത്​ ​െഎ.പി.എൽ ​റെക്കോഡിലേക്ക്​

അബൂദബി: ​നൈറ്റ്​ റൈഡേഴ്​സ്​ കൊൽക്കത്തക്കെതിരെ ജയിക്കാവുന്ന മത്സരത്തിൽ തോൽവി ഇരന്നുവാങ്ങിയെങ്കിലും ചെന്നൈ സൂപ്പർ കിങ്​സ്​ ക്യാപ്​റ്റൻ എം.എസ്​. ധോണി ​െഎ.പി.എല്ലി​ൽ പുതിയ നാഴികക്കല്ല്​ പിന്നിട്ടു. അവസാന ഒാവറിൽ ശിവം മവിയെ പുറത്താക്കി​ ഏറ്റവും കൂടുതൽ ക്യാച്ചുകൾ നേടുന്ന വിക്കറ്റ്​ കീപ്പർ എന്ന​ റെക്കോഡിൽ കൊൽക്കത്തയുടെ​ ദിനേശ്​ കാർത്തിക്കിനൊപ്പമെത്തി​. ഇരുവരും നിലവിൽ 104 ക്യാച്ചുകൾ വീതമാണ്​ എടുത്തിട്ടുള്ളത്​.

ധോണിയുടെ 196 മത്സരമായിരുന്നു ഇന്നലെത്തേത്​, കാർത്തിക്കി​​േൻറത്​ 187ാമത്തെയും. മത്സരത്തിൽ ​േധാണി നാല്​ ക്യാച്ചുകളെടുത്ത് കൊൽക്കത്ത നായക​െൻറ മുന്നിലെത്തിയെങ്കിലും മറുപടി ഇന്നിങ്​സിൽ ഡുപ്ലസിസി​നെ പിടികൂടി കാർത്തിക്​ റെക്കോഡ്​ നേട്ടത്തിൽ ഒപ്പംപിടിച്ചു.

ത​െൻറ പ്രായം ചൂണ്ടിക്കാട്ടി പരിഹസിച്ചവർക്ക്​ കൂടിയുള്ള മറുപടിയായിരുന്നു 39കാര​െൻറ അസാധ്യ ​പ്രകടനം. െഎ.പി.എല്ലിലെ ഏറ്റവും കൂടുതൽ സ്​റ്റംമ്പിങ്ങും ധോണിയുടെ പേരിൽ തന്നെയാണ്​.

ബ്രാവോ എറിഞ്ഞ പന്ത്​ കൂറ്റൻ അടിക്ക്​ ശ്രമിച്ച മവിയുടെ ബാറ്റിൽ തട്ടി ധോണിയുടെ വലത്​ വശത്തേക്കാണ്​ വന്നത്​. അവസാന പന്തിൽ ബാറ്റ്​സ്​മാൻ ബൈ റണ്ണിനായി ഒാടുകയാണെങ്കിൽ പെ​െട്ടന്ന്​ എറിയാനായി ധോണി വലത്​ കൈയിലെ ഗ്ലൗസ്​ ഉൗരിമാറ്റിയിരുന്നു. ഗ്ലൗസില്ലാതെ പന്ത്​ പിടിക്കാനുള്ള ആദ്യ ശ്രമത്തിൽ വിരലിൽ തട്ടിത്തെറിച്ചു. എന്നാൽ, പന്തിന്​ പിന്നാലെ പറന്ന്​ വീണ്ടും കൈപ്പിടിയിലൊതുക്കുകയായിരുന്നു ധോണി. ​

ഷോർട്ട് തേർഡ്മാനിലുണ്ടായിരുന്ന ഷെയ്ൻ വാട്സനെ മുന്നിൽ നിർത്തിയായിരുന്നു ​േധാണിയുടെ ക്യാച്ച്​. ക്യാപ്​റ്റ​െൻറ പ്രകടനം കണ്ട്​ വാട്​സണും ആശ്ചര്യമടക്കാനായില്ല. ഇൗ വിക്കറ്റോടെ ഡ്വെയ്ൻ ബ്രാവോ ഐ‌.പി.‌എല്ലിൽ 150 വിക്കറ്റുകൾ തികച്ചു.

അതേസമയം, മറുപടി ബാറ്റിങ്ങിനിറങ്ങിയ ധോണിക്ക്​ തിളങ്ങാനായില്ല. 12 പന്തിൽനിന്ന്​ 11 റൺസ്​ മാത്രമായിരുന്നു തലയുടെ സമ്പാദ്യം. കൊൽക്കത്തയോട്​ പത്ത്​ റൺസിന്​ തോറ്റ ചെന്നൈ നിലവിൽ പോയിൻറ്​ പട്ടികയിൽ അഞ്ചാംസ്​ഥാനത്താണ്​.

Age is just a number for MS Dhoni! Stunning Catch. ❤🔥#KKRvsCSK | #WhistlePodu pic.twitter.com/5J6riKw2ea

— UrMiL07™ (@urmilpatel21) October 7, 2020