എല്ലാ ആഭ്യന്തര കളിക്കാരും സുരക്ഷിതമായി നാട്ടിലെത്തി; ബി.സി.സി.​െഎക്ക്​ നന്ദി പറഞ്ഞ്​ പഞ്ചാബ്​ കിങ്​സ്​

ന്യൂഡൽഹി: ഇന്ത്യൻ പ്രീമിയർ ലീഗ്​ മാറ്റിവെച്ചതിന്​ ശേഷം തങ്ങളുടെ എല്ലാ ആഭ്യന്തര താരങ്ങളും സുരക്ഷിതമായി നാട്ടിലെത്തിയതായി പഞ്ചാബ്​ കിങ്​സ്​ അധികൃതർ അറിയിച്ചു. 'പഞ്ചാബ്​ കിങ്​സി​െൻറ ടീം അംഗങ്ങൾ നാട്ടിൽ സുരക്ഷിതമായി എത്തി. അതേസമയം, വിദേശ താരങ്ങൾ ഇന്ത്യക്ക്​ പുറത്ത്​ ക്വാറ​ൈൻറനിൽ കഴിയുകയാണ്​. അതിനുശേഷം അവർ സ്വദേശത്തേക്ക്​ മടങ്ങും' ^ടീം അധികൃതർ വ്യക്​തമാക്കി.

ബി.സി.സി.ഐ, മറ്റ് ഐ.പി.‌എൽ ഫ്രാഞ്ചൈസികൾ, എയർലൈൻ പങ്കാളി ഗോഅയർ എന്നിവരുടെ സഹകരണത്തിന് നന്ദി പറയാൻ ഞങ്ങൾ ആഗ്രഹിക്കുന്നു. കോവിഡ്​ പകർച്ചവ്യാധിക്കെതിരെ പോരാടാൻ മാസ്കുകൾ ധരിക്കുക, സാമൂഹിക അകലം പാലിക്കുക, ശുചിത്വ മാനദണ്ഡങ്ങൾ പിന്തുടരുക എന്നിവ ചെയ്യണമെന്നും ടീമി​െൻറ ഒൗദ്യോഗിക ട്വിറ്റർ ഹാൻഡിലിൽ കുറിച്ചു.

കെ.എൽ. രാഹുലി​െൻറ നേതൃത്വത്തിലുള്ള ടീമിൽ മായങ്ക്​ അഗർവാൾ, അർഷദീപ്​ സിങ്​, ദീപക്​ ഹൂഡ, മുഹമ്മദ്​ ഷമി തുടങ്ങിയ ഇന്ത്യ താരങ്ങളും ക്രിസ്​ ഗെയിൽ, മോയ്​സെസ്​ ഹെൻ​റിക്​സ്​, ക്രിസ്​ ജോർദാൻ, ഡേവിഡ്​ മലാൻ, നിക്കോളാസ്​ പുരാൻ തുടങ്ങിയ കളിക്കാരുമാണ്​ ഉണ്ടായിരുന്നത്​. ​മറ്റു ടീമുകളിലെ ഏതാനും ​താരങ്ങൾക്ക്​ കോവിഡ് സ്​ഥിരീകരിച്ചതോടെയാണ്​ മേയ് നാലിന് ഐ.പി.‌എൽ റദ്ദാക്കിയത്​.