ആ​ഷ​സ്: ഇംഗ്ലണ്ടിന് 49 റൺസ് ജയം, പരമ്പര സമനിലയിൽ

ല​ണ്ട​ൻ: ആ​ഷ​സ് ക്രി​ക്ക​റ്റ് പ​ര​മ്പ​ര​യി​ലെ അ​ഞ്ചാം ടെ​സ്റ്റി​ൽ ഇം​ഗ്ല​ണ്ട് ഉ​യ​ർ​ത്തി‍യ വ​ൻ വി​ജ​യ​ല​ക്ഷ്യ​ത്തി​ലേ​ക്ക് ബാറ്റേന്തിയ ആസ്ട്രേലിയ പൊരുതി കീഴടങ്ങി. 384 റ​ൺ​സ് പി​ന്തു​ട​രു​ന്ന ഓ​സീ​സിന് 334 റൺസെടുക്കാനെ കഴിഞ്ഞുള്ളൂ. 49 റൺസിനായിരുന്നു ഇംഗ്ലണ്ടിന്റെ ജയം. ഇതോടെ അഞ്ചു മത്സരങ്ങളടങ്ങിയ പരമ്പര സമനിലയിൽ (2-2) കലാശിച്ചു.

നാ​ലാം നാ​ൾ വി​ക്ക​റ്റ് പോ​വാ​തെ 135ലാ​ണ് ഓ​സീ​സ് ബാ​റ്റി​ങ് നി​ർ​ത്തി​യ​ത്. തി​ങ്ക​ളാ​ഴ്ച ക​ളി പു​ന​രാ​രം​ഭി​ച്ച് അ​ധി​കം വൈ​കാ​തെ ഓ​പ​ണ​ർ​മാ​രാ​യ ഡേ​വി​ഡ് വാ​ർ​ണ​റി​നെ‍യും (60) ഉ​സ്മാ​ൻ ഖാ​ജ​യെ​യും (72) ക്രി​സ് വോ​ക്സ് മ​ട​ക്കി. 141ൽ ​ര​ണ്ടാം വി​ക്ക​റ്റ് വീ​ണ ടീ​മി​നെ ര​ക്ഷി​ക്കാ​ൻ മാ​ർ​ന​സ് ല​ബൂ​ഷെ​യ്ൻ-​സ്റ്റീ​വ​ൻ സ്മി​ത്ത് സ​ഖ്യം ക്രീ​സി​ൽ സം​ഗ​മി​ച്ചു. എ​ന്നാ​ൽ, അ​ധി​കം വൈ​കാ​തെ ല​ബൂ​ഷെ​യ്നെ (18) മാ​ർ​ക് വു​ഡ് പ​റ​ഞ്ഞു​വി​ട്ട​തോ​ടെ വീ​ണ്ടും പ്ര​തി​സ​ന്ധി. 169ലാ​ണ് മൂ​ന്നാ​മ​ൻ പു​റ​ത്താ​യ​ത്. സ്മി​ത്തി​നൊ​പ്പം ട്രാ​വി​സ് ഹെ​ഡ് പി​ടി​ച്ചു​നി​ന്ന​തോ​ടെ ഓ​സീ​സ് പ്ര​തീ​ക്ഷ​ക​ൾ​ക്ക് വീ​ണ്ടും ചി​റ​കു​മു​ള​ച്ചു.

മൂ​ന്നി​ന് 238ലാ​ണ് ല​ഞ്ചി​ന് പി​രി​ഞ്ഞ​ത്. ക​ളി പു​ന​രാ​രം​ഭി​ക്കാ​നി​രി​ക്കെ മ​ഴ​യെ​ത്തി. ര​ണ്ടു മ​ണി​ക്കൂ​റോ​ളം വൈ​കി ചാ​യ​ക്കും​ശേ​ഷ​മാ​ണ് വീ​ണ്ടും ക​ള​മു​ണ​ർ​ന്ന​ത്. സ്മി​ത്തും ഹെ​ഡും ഓ​സീ​സി​നെ ജ​യ​ത്തി​ലേ​ക്കു ന​യി​ക്കു​മെ​ന്ന് തോ​ന്നി​ച്ച ഘ​ട്ട​ത്തി​ൽ വീ​ണ്ടും കാ​ര്യ​ങ്ങ​ൾ മാ​റി​മ​റി​ഞ്ഞു. 43 റ​ൺ​സെ​ടു​ത്ത ഹെ​ഡ് മു​ഈ​ൻ അ​ലി​യു​ടെ ഓ​വ​റി​ൽ പു​റ​ത്ത്. തൊ​ട്ട​ടു​ത്ത ഓ​വ​റി​ൽ സ്മി​ത്തി​നെ (54) സാ​ക് ക്രൗ​ളി​യു​ടെ ക​ര​ങ്ങ​ളി​ലെ​ത്തി​ച്ച് വോ​ക്സ് നി​ർ​ണാ​യ​ക​മാ​യ മ​റ്റൊ​രു വി​ക്ക​റ്റ് കൂ​ടി വീ​ഴ്ത്തി. അ​ടു​ത്ത ര​ണ്ട് ഓ​വ​റു​ക​ളി​ലും വി​ക്ക​റ്റു​ക​ൾ നി​ലം​പ​തി​ച്ചു. മി​ച്ച​ൽ മാ​ർ​ഷി​നെ (6) മു​ഈ​നും മി​ച്ച​ൽ സ്റ്റാ​ർ​ക്കി​നെ (0) വോ​ക്സും മ​ട​ക്കി. ഏ​ഴി​ന് 275ൽ ​പ​രാ​ജ​യം മ​ണ​ത്തു​തു​ട​ങ്ങി ഓ​സീ​സ്. ഒ​രി​ക്ക​ൽ​ക്കൂ​ടി ര​ക്ഷ​ക​നാ​വു​മെ​ന്ന് ക​രു​തി​യ ക്യാ​പ്റ്റ​ൻ പാ​റ്റ് ക​മ്മി​ൻ​സ് (9) മു​ഈ​ന് മൂ​ന്നാം വി​ക്ക​റ്റ് ന​ൽ​കി ക​ര​ക്കു​ക​യ​റുകയായിരുന്നു. അ​ല​ക്സ് കാ​രി​യും(28) ടോ​ഡ് മ​ർ​ഫി​യും (18) നടത്തിയ ചെറുത്തു നിൽപ് ഇംഗ്ലണ്ടിന്റെ ജയം വൈകിച്ചെങ്കിലും സ്റ്റുവർട്ട് ബ്രോഡിന് വിക്കറ്റ് നൽകി ഇരുവരും കീഴടങ്ങി. നാല് റൺസുമായി ഹാസൽവുഡ് പുറത്താവാതെ നിന്നു. ക്രിസ് വോക്സ് നാലും മുഈൻ അലി മൂന്നും വിക്കറ്റ് വീഴ്ത്തി.

ആദ്യം ബാറ്റ് ചെയ്ത ഇംഗ്ലണ്ട് ഒന്നാം ഇന്നിങ്സിൽ 283 റൺസിന് പുറത്തായി. മറുപടി ബാറ്റിങ്ങിനിറങ്ങിയ ഒസീസിന്റെ ഇന്നിങ്സ് 295 റൺസിലവസാനിച്ചു. രണ്ടാം ഇന്നിങ്സിൽ 395 റൺസ് ചേർത്ത് ഇംഗ്ലണ്ട് ഒസീസിന് 384 റൺസ് വിജയലക്ഷ്യം മുന്നോട്ട് വെക്കുകയായിരുന്നു.

പരമ്പരയിലെ ആദ്യ രണ്ടു മത്സരങ്ങളിൽ ഒസീസ് ജയിച്ചപ്പോൾ മൂന്നാമത്തെ മത്സരം ഇംഗ്ലണ്ട് തിരിച്ചുപിടിക്കുകയായിരുന്നു. നാലാം ടെസ്റ്റ് സമനിലയിലായതോടെ ഇംഗ്ലണ്ട് പ്രതിരോധത്തിലായി. ജയം അനിവാര്യമായ അഞ്ചാമത്തെ മത്സരത്തിൽ ഒസീസിന് മേൽ ഇംഗ്ലണ്ട് ആധിപത്യം നേടുകയായിരുന്നു. കഴിഞ്ഞ വർഷം ആഷസിൽ ഒരു മത്സരംപോലും ജയിക്കാതെ സമ്പൂർണ പരാജയമായിരുന്ന ഇംഗ്ലണ്ടിന്റെ ശക്തമായ തിരിച്ചുവരവാണിത്.