'രോഹിത്തിനെയും കോഹ്ലിയെയും അറിയാതിരിക്കാൻ അവൻ വിദേശി ഒന്നുമല്ലല്ലോ?' വ്യത്യസ്ത അഭിപ്രായവുമായി ആഷിഷ് നെഹ്റ
text_fieldsശ്രീലങ്കക്കെതിരെയുള്ള പരമ്പരയിൽ സീനിയർ താരങ്ങളായ വിരാട് കോഹ്ലി, രോഹിത് ശർമ എന്നിവരെ ടീമിലെത്തിക്കേണ്ടതില്ലായിരുന്നുവെന്ന് പറയുകയാണ് മുൻ ഇന്ത്യൻ ബൗളറായ ആഷിഷ് നെഹ്റ. താരങ്ങൾക്ക് വിശ്രമം നൽകിക്കൊണ്ട് യുവ താരങ്ങൾക്ക് അവസരം നൽകാമായിരുന്നുവെന്നും നെഹ്റ അഭിപ്രായപ്പെട്ടു.
ടി-20 ലോകകപ്പിന് ശേഷം സീനിയർ താരങ്ങളായ കോഹ്ലി, രോഹിത് ബുംറ എന്നിവർക്കെല്ലാം ഈ പരമ്പരയിൽ റെസ്റ്റ് നൽകുമെന്ന് നേരത്തെ പറഞ്ഞിരുന്നു. എന്നാൽ രോഹിത്തിനെയും കോഹ്ലിയേയും ഗംഭീറിന്റെ ആവശ്യപ്രകാരം ടീമിലെത്തിക്കുകയായിരുന്നു.
' ഇന്ത്യയുടെ അടുത്ത പരമ്പര രണ്ട്-മൂന്ന് മാസങ്ങൾക്ക് ശേഷമാണ്. അത് കാരണം, കോഹ്ലി, രോഹിത് പോലെയുള്ള കളിക്കാർക്ക് വിശ്രമം അനുവദിച്ചുകൊണ്ട് ഈ പരമ്പരയിൽ മറ്റ് താരങ്ങളെ ടീമിലെത്തിക്കാമായിരുന്നു. ഗംഭീർ പുതിയ കോച്ചാണെന്നും മുതിർന്ന താരങ്ങളുമായി സമയം ചിലവഴിക്കണമെന്നൊക്കെ എനിക്ക് അറിയാം, എന്നാൽ ഗംഭീറിന് അറിയാത്ത ആളൊന്നുമല്ലല്ലോ ഇരുവരും,' നെഹ്റ പറഞ്ഞു.
പുതിയ താരങ്ങളെ പരീക്ഷിക്കാൻ ഗംഭീറിന് മികച്ച അവസരമായിരുന്നു ഇതെന്നും അദ്ദേഹം പറഞ്ഞു.
' കോഹ്ലിയെയും രോഹിത്തിനെ മനസിലാക്കാൻ ഗംഭീർ വിദേശ കോച്ച് ഒന്നുമല്ലല്ലോ, പുതിയ താരങ്ങളെ പരീക്ഷിക്കാനുള്ള അവസരമായിരുന്നു ഗംഭീറിന് അത്. കോഹ്ലിക്കും രോഹിത്തിനും നാട്ടിൽ വെച്ച് നടക്കുന്ന പരമ്പരയിൽ ടീമിലേക്ക് തിരിച്ചെത്താമായിരുന്നു. അവരെ ടീമിലെത്തിച്ചത് മോശം തീരുമാനമാണെന്നല്ല പറയുന്നത് എന്നാൽ ഈ സീരീസിലെ സ്റ്റാറ്റർജി ഇങ്ങനെയാകാമായിരുന്നു,' നെഹ്റ കൂട്ടിച്ചേർത്തു.
കുറച്ചുനാൾ കഴിഞ്ഞ് ഇന്ത്യ സ്വന്തം നാട്ടിൽ വെച്ച് ബംഗ്ലാദേശിനെതിരെയും ന്യൂസിലാൻഡിനെതിരെയും പരമ്പര ഷെഡ്യൂൾ ചെയ്തിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.