ഓസീസിന് ഇന്ന് സെമി സന്നാഹം

പു​ണെ: അ​ടു​ത്ത വ്യാ​ഴാ​ഴ്ച ​കൊ​ൽ​ക്ക​ത്ത ഈ​ഡ​ൻ​ഗാ​ർ​ഡ​ൻ​സി​ൽ ദ​ക്ഷി​ണാ​ഫ്രി​ക്ക​യെ സെ​മി​ഫൈ​ന​ലി​ൽ നേ​രി​ടാ​നൊ​രു​ങ്ങു​ന്ന ആ​സ്ട്രേ​ലി​യ​ക്ക് ഇ​ന്ന് ബം​ഗ്ലാ​ദേ​ശി​നെ​തി​രെ​യു​ള്ള​ത് സ​ന്നാ​ഹ മ​ത്സ​രം. എ​ട്ട് ക​ളി​ക​ളി​ൽ ആ​റ് ജ​യ​മ​ട​ക്കം 12 പോ​യ​ന്റാ​ണ് ഓ​സീ​സി​നു​ള്ള​ത്. എ​ട്ട് ക​ളി​ക​ളി​ൽ നാ​ലു പോ​യ​ന്റു​ള്ള ബം​ഗ്ലാ​ദേ​ശ് നാ​ട്ടി​​ലേ​ക്ക് ടി​ക്ക​റ്റെ​ടു​ത്തു ക​ഴി​ഞ്ഞു.

തു​ട​ർ​ച്ച​യാ​യ ര​ണ്ട് തോ​ൽ​വി​ക​ൾ​ക്ക് ശേ​ഷ​മു​ള്ള ആ​റ് ക​ളി​ക​ളി​ലും ജ​യി​ച്ചാ​ണ് ആ​സ്ട്രേ​ലി​യ വ​രു​ന്ന​ത്. അ​ഫ്ഗാ​നി​സ്താ​നെ​തി​രെ മൂ​ന്ന് വി​ക്ക​റ്റി​ന്റെ വീ​രോ​ചി​ത​മാ​യ ജ​യ​ത്തി​ന്റെ ആ​വേ​ശ​ത്തി​ലാ​ണ് ക​ങ്കാ​രു​ക്ക​ൾ. ആ​ദ്യ എ​ട്ട് സ്ഥാ​ന​ത്തി​നു​ള്ളി​ലെ​ത്തി അ​ടു​ത്ത ചാ​മ്പ്യ​ൻ​സ് ട്രോ​ഫി​യി​ൽ യോ​ഗ്യ​ത ​നേ​ടാ​നു​ള്ള ബം​ഗ്ലാ​ദേ​ശി​ന്റെ ശ്ര​മ​ങ്ങ​ൾ ദു​ഷ്‍ക​ര​മാ​കും.

പ്ര​മു​ഖ താ​ര​ങ്ങ​ൾ​ക്ക് ഓ​സീ​സ് വി​ശ്ര​മം ന​ൽ​കു​മോ​യെ​ന്ന് ഉ​റ​പ്പി​ല്ല. അ​ഫ്ഗാ​നി​സ്താ​നെ​തി​രെ ത​ക​ർ​ന്നെ​ങ്കി​ലും ട്രാ​വി​സ് ഹെ​ഡും ഡേ​വി​ഡ് വാ​ർ​ണ​റും മി​ച്ച​ൽ മാ​ർ​ഷു​മ​ട​ങ്ങു​ന്ന മു​ൻ​നി​ര ഏ​റ്റ​വും അ​പ​ക​ട​കാ​രി​ക​ളാ​ണ്. സ്റ്റീ​വ് സ്മി​ത്തും മാ​ർ​ക​സ് സ്റ്റാ​യി​നി​സും ക​ഴി​ഞ്ഞ ക​ളി​യി​ലെ ഹീ​റോ ഗ്ലെ​ൻ മാ​ക്സ്വെ​ലു​മ​ട​ങ്ങു​ന്ന ബാ​റ്റി​ങ് സം​ഘം ബം​ഗ്ല​ദേ​ശി​ന് ചി​ല്ല​റ ത​ല​വേ​ദ​ന​യാ​കി​ല്ല വ​രു​ത്തു​ന്ന​ത്. ഷാ​ക്കി​ബു​ൽ​ഹ​സ​ന് പ​രി​ക്കാ​യ​തി​നാ​ൽ ന​ജ്മു​ൽ ഹു​സൈ​ൻ ഷാ​ന്റോ​യാ​ണ് ബം​ഗ്ല​ദേ​ശി​നെ ന​യി​ക്കു​ന്ന​ത്. രാ​വി​ലെ 10.30നാ​ണ് മ​ത്സ​രം തു​ട​ങ്ങു​ന്ന​ത്.