കോഹ്​ലിപ്പടയെ തേച്ചൊട്ടിച്ച്​ ഹൈദരാബാദ്​; ​​​​​​​​​​​േപ്ല ഓഫ്​ നിർണയം കടുപ്പം

ഷാർജ: ജയത്തോടെ ​​േപ്ല ഓഫ്​ ഉറപ്പിക്കാനിറങ്ങിയ ബാംഗ്ലൂർ റോയൽ ചാലഞ്ചേഴ്​സി​െന ജീവൻമരണപോരാട്ടത്തിനിറങ്ങിയ സൺറൈസേഴ്​സ്​ ഹൈദരാബാദ്​ നാണംകെടുത്തി വിട്ടു. നിശ്ചിത ഓവറിൽ 121 റൺസി​െൻറ ചെറിയ വിജയലക്ഷ്യം ഉയർത്തിയ ബാംഗ്ലൂരി​െൻറ കഥ ഹൈദരാബാദ്​ 15ാം ഓവറിൽ തന്നെ തീർത്തു. 32പന്തിൽ 39 റൺസെടുത്ത വൃദ്ധിമാൻ സാഹ, 19 പന്തുകളിൽ 26 റൺസെടുത്ത മനീഷ്​ പാണ്ഡേ, 10 പന്തുകളിൽ 26 റൺസെടുത്ത ജേസൺ ഹോൾഡർ എന്നിവർ ചേർന്ന്​ ഹൈദരാബാദിനെ വിജയത്തിലെത്തിക്കുകയായിരുന്നു.

ജയത്തോടെ ഹൈദരാബാദ്​ പോയൻറ്​ പട്ടികയിൽ നാലാം സ്ഥാനത്തേക്ക്​ കയറിയപ്പോൾ ബാംഗ്ലൂർ രണ്ടാം സ്ഥാനത്ത്​ തന്നെ തുടരുകയാണ്​. മുഴുവൻ ടീമുകളും 13 മത്സരം വീതം പൂർത്തിയാക്കിയപ്പോൾ 18 പോയൻറുള്ള മുംബൈ ഇന്ത്യൻസ്​ ഒന്നാംസ്ഥാനത്തോടെ ​േപ്ല ഓഫ്​ ഉറപ്പിച്ചു. 13 കളികളിൽ നിന്നും 10 പോയൻറുള്ള ചെന്നൈ സൂപ്പർകിങ്​സ്​ പുറത്താകുകയും ചെയ്​തു. ഡൽഹിക്കും ബാംഗ്ലൂരിനും 14 പോയൻറ്​ വീതവും ഹൈദരാബാദ്​, പഞ്ചാബ്​, രാജസ്ഥാൻ, കൊൽകത്ത ടീമുകൾക്ക്​ 12 പോയൻറുമാണുള്ളത്​. ഇതോടെ അവസാന മത്സരത്തിലെ ഫലത്തിനൊപ്പം റൺറേറ്റും അടിസ്ഥാനമാക്കിയാകും ​േപ്ലഓഫ്​ യോഗ്യത നിശ്ചയിക്കുക.

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ബാംഗ്ലൂർ നിരയിൽ ആർക്കും ശോഭിക്കാനായില്ല. 31 പന്തുകളിൽ 32 റൺസെടുത്ത ജോഷ്​ ഫിലിപ്പെ, 24 പന്തുകളിൽ 24 റൺസെടുത്ത എ.ബി ഡിവില്ലിയേഴ്​സ്​, 18 പന്തുകളിൽ 21 റൺസെടുത്ത വാഷിങ്​ടൺ സുന്ദർ എന്നിവർ തമ്മിൽ ഭേദമായി. 24 പന്തുകളിൽ 15 റൺസെടുത്ത ഗുർകീറത്​ സിങി​െൻറ മോശം പ്രകടനം അവസാന ഓവറുകളിൽ ബാംഗ്ലൂരി​െൻറ റണ്ണൊഴുക്ക്​ കുറച്ചു. വിരാട്​ കോഹ്​ലി ഏഴും ദേവ്​ദത്ത്​ പടിക്കൽ അഞ്ചും റൺസെടുത്ത്​ പുറത്തായി. സന്ദീപ്​ ശർമയും ഹോൾഡറും രണ്ട്​ വിക്കറ്റ്​ വീതം വീഴ്​ത്തി. നാലോവറിൽ 11 റൺസ്​ മാത്രം വിട്ടുനൽകി 1 വിക്കറ്റെടുത്ത ടി.നടരാജൻ മിന്നുംപ്രകടനം നടത്തി.