ഷാംപെയിൻ ചീറ്റും മുമ്പ് മുഈനും ആദിലുമില്ലെന്ന് ഉറപ്പാക്കി ബട്​ലർ

മെൽബൺ: ട്വൻറി 20 ലോക കിരീടനേട്ടം ആഘോഷിക്കുന്നതിനിടെ സഹതാരങ്ങളുടെ മതവിശ്വാസത്തെ ആദരിച്ച് ഇംഗ്ലണ്ട് ക്യാപ്റ്റൻ ജോസ് ബട്​ലർ. കിരീടമുയർത്തി ടീം ഫോട്ടോക്ക് പോസ് ചെയ്യുമ്പോൾ ഓൾ റൗണ്ടർ മുഈൻ അലിയും സ്പിന്നർ ആദിൽ റാഷിദും മുൻനിരയിൽത്തന്നെയുണ്ടായിരുന്നു.

ഷാംപെയിൻ ചീറ്റി ആഘോഷിക്കുന്നതിന് മുമ്പ് ഇവരോട് മാറിനിൽക്കാൻ ബട്ലർ ആംഗ്യത്തിലൂടെ നിർദേശിച്ചു. രണ്ടുപേരും കൂട്ടത്തിൽ ഇല്ലെന്ന് ഉറപ്പാക്കിയ ശേഷമാണ് ഷാംപെയിൻ തുറന്നത്. ഈ രംഗങ്ങളുടെ വിഡിയോ സമൂഹമാധ്യമങ്ങളിലൂടെ പുറത്തുവന്നതോടെ നിരവധി പേർ ഇംഗ്ലീഷ് നായകന്റെ നടപടിയെ വാഴ്ത്തി പ്രതികരിച്ചു.