കി​രീ​ട ദാ​രി​ദ്ര്യ​ത്തി​ന് അ​റു​തി​ തേടി കി​വീ​സും പ്രോ​ട്ടീ​സും; രണ്ടാം സെ​മി ഇ​ന്ന്

ലാ​ഹോ​ർ: ചാ​മ്പ്യ​ൻ​സ് ട്രോ​ഫി ക്രി​ക്ക​റ്റി​ലെ ര​ണ്ടാം സെ​മി ഫൈ​ന​ൽ മ​ത്സ​ര​ത്തി​ൽ ബു​ധ​നാ​ഴ്ച ന്യൂ​സി​ല​ൻ​ഡും ദ​ക്ഷി​ണാ​ഫ്രി​ക്ക​യും ഏ​റ്റു​മു​ട്ടും. ഗ്രൂ​പ് ബി​യി​ൽ അ​ഫ്ഗാ​നി​സ്താ​നെ​യും ഇം​ഗ്ല​ണ്ടി​നെ​യും വ​ലി​യ മാ​ർ​ജി​നി​ൽ തോ​ൽ​പി​ച്ച് ഒ​ന്നാം​സ്ഥാ​ന​ക്കാ​രാ​യാ​ണ് പ്രോ​ട്ടീ​സ് ക​ട​ന്ന​ത്. ആ​സ്ട്രേ​ലി​യ​ക്കെ​തി​രാ​യ മ​ത്സ​രം മ​ഴ​മൂ​ലം ഉ​പേ​ക്ഷി​ക്കു​ക​യാ​യി​രു​ന്നു. ന്യൂ​സി​ല​ൻ​ഡാ​വ​ട്ടെ ഗ്രൂ​പ് എ​യി​ൽ പാ​കി​സ്താ​നെ​യും ബം​ഗ്ലാ​ദേ​ശി​നെ​യും പ​രാ​ജ​യ​പ്പെ​ടു​ത്തി​യ​പ്പോ​ൾ ഇ​ന്ത്യ​യോ​ട് തോ​റ്റ് ര​ണ്ടാം​സ്ഥാ​ന​ക്കാ​രാ​യി സെ​മി​യി​ൽ പ്ര​വേ​ശി​ച്ചു. ദ​ക്ഷി​ണാ​ഫ്രി​ക്ക 1998ലും ​കി​വി​ക​ൾ 2000ത്തി​ലും ചാ​മ്പ്യ​ൻ​സ് ട്രോ​ഫി കി​രീ​ടം നേ​ടി​യ​വ​രാ​ണ്.

കി​രീ​ട ദാ​രി​ദ്ര്യ​ത്തി​ന് അ​റു​തി​യി​ടാ​ൻ ഫൈ​ന​ൽ തേ​ടി ഇ​റ​ങ്ങു​ക​യാ​ണ് ഇ​രു ടീ​മും. ഇ​ന്ത്യ​ക്കെ​തി​രെ ക​ഴി​ഞ്ഞ ദി​വ​സം ജ​യി​ക്കാ​മാ​യി​രു​ന്ന ക​ളി കൈ​വി​ട്ടി​രു​ന്നു ന്യൂ​സി​ല​ൻ​ഡ്. 250 റ​ൺ​സെ​ന്ന താ​ര​ത​മ്യേ​ന ചെ​റി​യ ല​ക്ഷ്യം നേ​ടാ​നാ​വാ​തെ 205ൽ ​ബാ​റ്റ് വെ​ച്ച് കീ​ഴ​ട​ങ്ങി. പേ​സ​ർ മാ​റ്റ് ഹെ​ൻ​ട്രി​യു​ടെ അ​ഞ്ച് വി​ക്ക​റ്റ് പ്ര​ക​ട​ന​വും കെ​യ്ൻ വി​ല്യം​സ​ണി​ന്റെ ബാ​റ്റി​ങ്ങും മാ​ത്ര​മാ​യി​രു​ന്നു ആ​ശ്വാ​സം. ഇം​ഗ്ല​ണ്ടി​നെ 179 റ​ൺ​സി​ൽ പു​റ​ത്താ​ക്കി ഏ​ഴ് വി​ക്ക​റ്റ് ജ​യം നേ​ടി​യാ​ണ് ദ​ക്ഷി​ണാ​ഫ്രി​ക്ക​യു​ടെ വ​ര​വ്. ബാ​റ്റി​ങ്ങി​ലും ബൗ​ളി​ങ്ങി​ലും സ്ഥി​ര​ത​യാ​ർ​ന്ന പ്ര​ക​ട​നം കാ​ഴ്ച​വെ​ക്കാ​നാ​വു​ന്ന​താ​ണ് പ്രോ​ട്ടീ​സി​ന്റെ പ്ര​തീ​ക്ഷ.

ടീം ​ഇ​വ​രി​ൽ​നി​ന്ന്

ന്യൂ​സി​ല​ൻ​ഡ്: മി​ച്ച​ൽ സാ​ന്റ്ന​ർ (ക്യാ​പ്റ്റ​ൻ), മൈ​ക്ക​ൽ ബ്രേ​സ്‌​വെ​ൽ, മാ​ർ​ക്ക് ചാ​പ്മാ​ൻ, ഡെ​വ​ൺ കോ​ൺ​വേ, ലോ​ക്കി ഫെ​ർ​ഗൂ​സ​ൺ, മാ​റ്റ് ഹെ​ൻ​ട്രി, ടോം ​ലാ​തം, ഡാ​രി​ൽ മി​ച്ച​ൽ, വി​ൽ ഒ​റൂ​ർ​ക്ക്, ഗ്ലെ​ൻ ഫി​ലി​പ്സ്, ര​ചി​ൻ ര​വീ​ന്ദ്ര, ന​താ​ൻ സ്മി​ത്ത്, കെ​യ്ൻ വി​ല്യം​സ​ൺ, വി​ൽ യ​ങ്, ജേ​ക്ക​ബ് ഡ​ഫി.

ദ​ക്ഷി​ണാ​ഫ്രി​ക്ക: ടെം​ബ ബ​വു​മ (ക്യാ​പ്റ്റ​ൻ), ടോ​ണി ഡി ​സോ​ർ​സി, മാ​ർ​കോ ജാ​ൻ​സെ​ൻ, ഹെൻറി​ച്ച് ക്ലാ​സ​ൻ, കേ​ശ​വ് മ​ഹാ​രാ​ജ്, എ​യ്ഡ​ൻ മാ​ർ​ക്രം, ഡേ​വി​ഡ് മി​ല്ല​ർ, വി​യാ​ൻ മു​ൾ​ഡ​ർ, ലു​ങ്കി എ​ൻ​ഗി​ഡി, കാ​ഗി​സോ റ​ബാ​ഡ, റ​യാ​ൻ റി​ക്കി​ൾ​ട്ട​ൺ, ത​ബ്രൈ​സ് ഷം​സി, ട്രി​സ്റ്റ​ൻ സ്റ്റ​ബ്സ്, റാ​സി വാ​ൻ ഡെ​ർ ഡ​സെ​ൻ, കോ​ർ​ബി​ൻ ബോ​ഷ്.