അടിച്ചുതകർത്ത്​​ വിരാട്​ കോഹ്​ലി, ചെന്നൈക്ക്​ ജയിക്കാൻ 170

ദുബൈ: വിരാട്​ കോഹ്​ലി ത​െൻറ സ്വതസിദ്ധമായ ശൈലിയിൽ നിറഞ്ഞാടിയതോടെ റോയൽ ചാലഞ്ചേഴ്​സിന്​ മികച്ച സ്​കോർ. പതിയെത്തുടങ്ങി കത്തിക്കയറിയ കോഹ്​ലി അവസാന ഓവറുകളിലാണ്​ ത​െൻറ വിശ്വരൂപം പുറത്തെടുത്തത്​. 52 പന്തുകളിൽ 90 റൺസുമായി കോഹ്​ലി പുറത്താകാതെ നിന്നു.

ടോസ്​ നേടി ബാറ്റിങ്​ തെരഞ്ഞെടുത്ത ബാംഗ്ലൂരിനെറ തുടക്കം ഒട്ടും ആശാവഹമായിരുന്നില്ല. രണ്ട്​ റൺസെടുത്ത ആരോൺ ഫിഞ്ചിനെ നഷ്​ടപ്പെട്ട്​ തുടങ്ങിയ ബാംഗ്ലൂരി​െൻറ തുടക്കം പതുക്കെയായിരുന്നു. 34 പന്തുകളിൽ നിന്നും 33 റൺസെടുത്ത്​ ദേവ്​ദത്ത്​ പടിക്കലും റൺസൊന്നുമെടുക്കാതെ എ.ബി.ഡിവില്ലിയേഴ്​സും പുറത്തായതോടെ ഭാരമെല്ലാം​ കോഹ്​ലിയുടെ തലയിലായി.

നായക​െൻറ ഉത്തരവാദിത്വത്തോടെ ബാറ്റുവീശിയ കോഹ്​ലി അവസാന ഓവറുകളിലാണ്​ വിശ്വരൂപം പുറത്തെടുത്തത്​. ശിവം ദുബെ (22) കോഹ്​ലിക്ക്​ മികച്ച പിന്തുണ നൽകി.ചെന്നൈക്കായി പന്തെടുത്തവരിൽ മൂന്നോവറിൽ 10 റൺസ്​ മാത്രം വഴങ്ങി ഒരുവിക്കറ്റെടുത്ത ദീപക്​ ചഹറാണ്​ മികച്ച നിലയിൽ പന്തെറിഞ്ഞത്​. ഷർദുൽ താക്കൂർ രണ്ട്​ വിക്കറ്റ്​ വീഴ്​ത്തി.