ഡൽഹി കത്തണമെന്ന്​ കെജ്​രിവാൾ ആഗ്രഹിച്ചിരുന്നുവെന്ന്​ വ്യക്​തം; റിപബ്ലിക്​ ദിന സംഭവങ്ങളിൽ ഗംഭീർ

ന്യൂഡൽഹി: റിപബ്ലിക്​ ദിനത്തിൽ ട്രാക്​ടർ പരേഡിനിടെയുണ്ടായ അക്രമ സംഭവങ്ങളുമായി ബന്ധപ്പെട്ട്​ ഡൽഹി മുഖ്യമന്ത്രി അരവിന്ദ്​ കെജ്​രിവാളിനെതിരെ തിരിഞ്ഞ്​ ബി.ജെ.പി എംപിയും മുൻ ഇന്ത്യൻ ക്രിക്കറ്റ്​ താരവുമായ ഗൗതം ഗംഭീർ. തലസ്ഥാന നഗരിയിലുണ്ടായ സംഭവത്തിൽ ജനക്കൂട്ടത്തി​െൻറ പ്രവൃത്തിയെ അപലപിച്ച്​ ഒരു വാക്കുപോലും മുഖ്യമന്ത്രി കെജ്​രിവാൾ മിണ്ടിയില്ലെന്ന്​ അദ്ദേഹം ട്വിറ്ററിൽ കുറിച്ചു. അതിലൂടെ ഡൽഹി കത്തണമെന്ന്​​ അയാൾ ആഗ്രഹിച്ചിരുന്നുവെന്ന്​​ വ്യക്​തമാണെന്നും ഗംഭീർ ആരോപിച്ചു.

ജീവൻ പോലും അപകടപ്പെടാവുന്ന സാഹചര്യങ്ങൾ നേരിട്ടിട്ടും സംയമനം പാലിച്ച ഞങ്ങളുടെ ധീരരായവരെ ശ്രീ അമിത്​ ഷാ സന്ദർശിച്ചെന്നും ഗംഭീർ കൂട്ടിച്ചേർത്തു. റിപ്പബ്ലിക് ദിന അക്രമത്തിൽ പരിക്കേറ്റ ദില്ലി പോലീസ് ഉദ്യോഗസ്ഥരെ ആഭ്യന്തരമന്ത്രി നേരത്തെ സന്ദർശിച്ചിരുന്നു.

Shri Amit Shah visited our bravehearts who despite facing life threatening situations showed restraint. But not a word of condemnation against the mob by CM @ArvindKejriwal. It is clear he wanted Delhi to BURN! #PunjabOverDelhi

— Gautam Gambhir (@GautamGambhir) January 28, 2021