ഏഷ്യൻ ഗെയിംസിൽ ക്രിക്കറ്റ് തിരിച്ചെത്തുന്നു; ഇക്കുറിയും ഇന്ത്യയില്ല

മ​നാ​മ: ഇ​ന്ത്യ​ക്കാ​രു​ടെ ഇ​ഷ്ട കാ​യി​ക​വി​നോ​ദ​മാ​യ ക്രി​ക്ക​റ്റ് ഏ​ഷ്യ​ൻ ഗെ​യിം​സി​ൽ തി​രി​ച്ചെ​ത്തു​ക​യാ​ണെ​ങ്കി​ലും മ​ത്സ​രി​ക്കാ​ൻ ഇ​ക്കു​റി​യും ഇ​ന്ത്യ​യി​ല്ല. ബം​ഗ്ലാ​ദേ​ശ്, ശ്രീ​ല​ങ്ക, പാ​കി​സ്താ​ൻ, ബ​ഹ്റൈ​ൻ അ​ട​ക്കം ടീ​മു​ക​ൾ സെ​പ്റ്റം​ബ​ർ 23 മു​ത​ൽ ഒ​ക്ടോ​ബ​ർ എ​ട്ടു വ​രെ ചൈ​ന​യി​ലെ ഹാ​ങ്‌​ചോ​യി​ൽ ന​ട​ക്കു​ന്ന ഗെ​യിം​സി​ൽ പ​​ങ്കെ​ടു​ക്കു​ന്നു​ണ്ട്.

മ​ത്സ​ര ഷെ​ഡ്യൂ​ൾ അ​ധി​കം താ​മ​സി​യാ​തെ പു​റ​ത്തി​റ​ക്കു​മെ​ന്ന് ഹാ​ങ്‌​ചോ ഏ​ഷ്യ​ൻ ഗെ​യിം​സ് സൂ​പ്പ​ർ​വി​ഷ​ൻ ആ​ൻ​ഡ് ഓ​ഡി​റ്റ് ഡി​പ്പാ​ർ​ട്മെ​ന്റ് ഡെ​പ്യൂ​ട്ടി ഡ​യ​റ​ക്ട​ർ സീ ​നി​ങ് മ​നാ​മ​യി​ൽ പ​റ​ഞ്ഞു.

2010ൽ ​ചൈ​ന​യി​ലെ ഗ്വാ​ങ്‌​ചോ​യി​ലാ​ണ് ഏ​ഷ്യ​ൻ ഗെ​യിം​സി​ന്റെ ച​രി​ത്ര​ത്തി​ലാ​ദ്യ​മാ​യി ക്രി​ക്ക​റ്റ് ഇ​ടം​പി​ടി​ച്ച​ത്. പ​ക്ഷേ, അ​ന്ന് പു​രു​ഷ-​വ​നി​ത ടീ​മു​ക​ളെ അ​യ​ക്കാ​ൻ ഇ​ന്ത്യ​ക്ക് ക​ഴി​ഞ്ഞി​ല്ല. ഏ​ഷ്യ​ൻ ഗെ​യിം​സ് ന​ട​ക്കു​ന്ന സ​മ​യ​ത്ത് മ​റ്റ് അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ പ​​ങ്കെ​ടു​ക്കേ​ണ്ട​തു​ണ്ടെ​ന്നാ​യി​രു​ന്നു വി​ശ​ദീ​ക​ര​ണം. മെ​ഡ​ൽ​സാ​ധ്യ​ത​യു​ള്ള ഇ​ന​ത്തി​ൽ ടീ​മി​നെ അ​യ​ക്കാ​ത്ത​ത് അ​ന്ന് വി​മ​ർ​ശ​ന​ത്തി​നി​ട​യാ​ക്കി​യി​രു​ന്നു.

ട്വ​ന്റി20 ഫോ​ർ​മാ​റ്റി​ൽ ന​ട​ന്ന മ​ത്സ​ര​ത്തി​ൽ ബം​ഗ്ലാ​ദേ​ശ്, ശ്രീ​ല​ങ്ക, പാ​കി​സ്താ​ൻ എ​ന്നി​വ​രു​ൾ​പ്പെ​ടെ ഒ​മ്പ​തു ടീ​മു​ക​ളാ​ണ് പു​രു​ഷ​ന്മാ​രു​ടെ വി​ഭാ​ഗ​ത്തി​ൽ മ​ത്സ​രി​ച്ച​ത്. ടെ​സ്റ്റ് ക​ളി​ക്കു​ന്ന പ്ര​മു​ഖ ടീ​മു​ക​ളെ​ല്ലാം അ​ന്താ​രാ​ഷ്ട്ര മ​ത്സ​ര​ങ്ങ​ളി​ൽ പ​​ങ്കെ​ടു​ക്കാ​നാ​യി ദേ​ശീ​യ ടീ​മി​നെ അ​യ​ച്ചി​രു​ന്ന​തി​നാ​ൽ ര​ണ്ടാം നി​ര ടീ​മി​നെ​യാ​ണ് ഏ​ഷ്യ​ൻ ഗെ​യിം​സി​ന​യ​ച്ച​ത്.

ഫൈ​ന​ലി​ൽ അ​ഫ്ഗാ​നി​സ്താ​നെ പ​രാ​ജ​യ​പ്പെ​ടു​ത്തി ബം​ഗ്ലാ​ദേ​ശ് സ്വ​ർ​ണം നേ​ടി. ബം​ഗ്ലാ​ദേ​ശി​ന്റെ ഏ​ഷ്യ​ൻ ഗെ​യിം​സി​ലെ ആ​ദ്യ സ്വ​ർ​ണ​മാ​യി​രു​ന്നു അ​ത്. ഇ​ഞ്ചി​യോ​ണി​ൽ ന​ട​ന്ന 2014 ഏ​ഷ്യ​ൻ ഗെ​യിം​സി​ലും ക്രി​ക്ക​റ്റ് ടീ​മു​ക​ളെ ഇ​ന്ത്യ അ​യ​ച്ചി​ല്ല. അ​ഫ്ഗാ​നി​സ്താ​നെ പ​രാ​ജ​യ​പ്പെ​ടു​ത്തി ശ്രീ​ല​ങ്ക മെ​ഡ​ൽ നേ​ടി. 2018ൽ ​ഇ​ന്തോ​നേ​ഷ്യ​യി​ലെ ജ​കാ​ർ​ത്ത​യി​ലും പാ​ലം​ബം​ഗി​ലു​മാ​യി ന​ട​ന്ന ഗെ​യിം​സി​ൽ ക്രി​ക്ക​റ്റ് ഉ​ൾ​പ്പെ​ടു​ത്തി​യി​രു​ന്നി​ല്ല.

ക്രി​ക്ക​റ്റ് തി​രി​ച്ചെ​ത്തു​ന്ന​ത് കാ​യി​ക​ലോ​കം പ്ര​തീ​ക്ഷ​യോ​ടെ​യാ​ണ് കാ​ണു​ന്ന​തെ​ങ്കി​ലും ഇ​ന്ത്യ ഇ​ക്കു​റി​യു​മി​ല്ലെ​ന്ന് ഉ​റ​പ്പാ​യി​ക്ക​ഴി​ഞ്ഞു. ഇ​ന്ത്യ​ൻ ഒ​ളി​മ്പി​ക് ക​മ്മി​റ്റി പ​ങ്കാ​ളി​ത്തം സം​ബ​ന്ധി​ച്ച വി​വ​ര​ങ്ങ​ൾ തേ​ടി ക​ത്ത് ന​ൽ​കി​യെ​ങ്കി​ലും സ​മ​യ​പ​രി​ധി​ക്കു​ള്ളി​ൽ ബി.​സി.​സി.​ഐ പ്ര​തി​ക​രി​ച്ചി​രു​ന്നി​ല്ല. ഒ​ളി​മ്പി​ക്‌​സി​ൽ ക്രി​ക്ക​റ്റ് ഉ​ൾ​പ്പെ​ടു​ത്താ​ൻ ബി.​സി.​സി.​ഐ സ​മ്മ​ർ​ദം ചെ​ലു​ത്തി​ക്കൊ​ണ്ടി​രി​ക്കു​മ്പോ​ഴാണ് ഏ​ഷ്യ​ൻ ഗെ​യിം​സി​നെ നി​സ്സാ​ര​മാ​യി കാ​ണു​ന്ന​ത്.