​സൂപ്പർ കിങ്​സിന്​ ആശ്വാസം; മറ്റു താരങ്ങൾക്ക്​ കോവിഡില്ല

ഇന്ത്യൻ പ്രീമിയർ ലീഗ്​ 13ാം സീസൺ തുടങ്ങാൻ ദിവസങ്ങൾ ബാക്കിനിൽക്കെ ചെന്നൈ സൂപ്പർ കിങ്​സ്​ ടീമിൽ പത്തോളം പേർക്ക്​ കോവിഡ് ബാധിച്ചത്​ ക്യാമ്പിൽ ആശങ്കയുണ്ടാക്കിയിരുന്നു. ടൂർണമെൻറിൽ നിന്നും പൂർണമായി പിൻവാങ്ങേണ്ടി വരുമോയെന്ന്​ വരെ സൂപ്പർ കിങ്​സ്​ മാനേജ്​മെൻറ്​ ആലോചിച്ചു. എന്നാൽ, ക്യാപ്​റ്റൻ എം.എസ്​ ധോണിയുടേത്​ അടക്കം മറ്റു താരങ്ങളുടെയും ഒഫീഷ്യലുക​ളുടെയും സാമ്പിൾ പരിശോധന ഫലം പുറത്തു വന്നപ്പോൾ, ആർക്കും ​കോവിഡ്​ ഇല്ലെന്ന റി​േ​പ്പാർട്ട്​ വന്നു.

ഇതോടെയാണ്​ ടീമിനും ഐ.പി.എൽ നടത്തിപ്പുകാർക്കും ആശ്വാസമായത്​. മൂന്ന്​ തവണ ചാമ്പ്യന്മാരായ ചെന്നൈ സൂപ്പർ കിങ്​സിന്​ ടൂർണമെൻറ്​ കളിക്കാനാവാതിരുന്നാൽ ഒരുപക്ഷേ നടത്തിപ്പുകാർക്ക്​ വലിയ നഷ്​ടമായേനെ. നേരത്തെ ചില ടീം അംഗങ്ങൾ, സപ്പോർട്ടിങ്​ സ്​റ്റാഫ്​, നെറ്റ്​ ബൗളർമാർ ഉൾ​പ്പെടെയുള്ളവർക്ക്​ കോവിഡ്​ പോസിറ്റിവ്​ സ്ഥിരീകരിച്ചിരുന്നത്​. ചെന്നൈ സൂപ്പർ കിങ്​സി​െൻറ മുഴുവൻ അംഗങ്ങൾക്കും ക്വാറൻറീ​ൻ കാലാവധി സെപ്​റ്റംബർ ഒന്നുവരെ നീട്ടുകയും ചെയ്​തിരുന്നു.

രോഗം ബാധിച്ചവർ ഒരാഴ്​ച ക്വാറൻറീനിൽ കഴിഞ്ഞ്​, ​​തുടർഫലങ്ങളും നെഗറ്റിവായാൽ മാത്രമേ ടീം അംഗങ്ങൾക്കൊപ്പം ചേരാൻ കഴിയൂ. അതേസമയം, ക്വാറൻറീൻ പൂർത്തിയായ മറ്റു ടീം അംഗങ്ങൾ കഴിഞ്ഞ ദിവസം പരിശീലനം ആരംഭിച്ചു. സെപ്റ്റംബർ 19നാണ്​ 13ാം സീസൺ ആരംഭിക്കുന്നത്​.