'ഡ്രീം 11' ഐ.പി.എൽ മുഖ്യസ്​പോൺസർ; കരാറുറപ്പിച്ചത്​ 'വിവോ'യുടെ പകുതി തുകക്ക്!​

ന്യൂഡൽഹി: അനിശ്ചിതത്വങ്ങൾക്കൊടുവിൽ 2020 ഐ.പി.എൽ ടൂർണമെൻറി​െൻറ മുഖ്യ സ്​പോൺസറെ ബി.സി.​സി.ഐ നിശ്ചയിച്ചു. 222 കോടി രൂപക്കാണ്​ ഫാൻറസി ഗെയിമിങ്​ സ്​റ്റാർട്ടപ്പ്​ ആയ 'ഡ്രീം 11' ഐ.പി.എല്ലി​െൻറ മുഖ്യ സ്​പോൺസറാകുന്നത്​.

ഓൺലൈൻ എജ്യുകേഷൻ രംഗത്തെ അതികായരായ ബൈജൂസ്​ ആപ്​​, അൺഅക്കാദമി എന്നിവരോടൊപ്പം ടാറ്റയും മുഖ്യ സ്​പോൺസർഷിപ്പിനായി രംഗത്തുണ്ടായിരുന്നു. അൺഅക്കാദമി 210കോടിയും ടാറ്റ 180 കോടിയും ബൈജൂസ്​ 125 കോടിയുമാണ്​ മുന്നോട്ട്​ വെച്ചതെന്ന്​ ന്യൂസ്​ 18 റിപ്പോർട്ട്​ ചെയ്യുന്നു.

ചൈനീസ്​ ​മൊബൈൽ നിർമാതാക്കളായ വിവോ 2017മുതൽ 2022വരെ ഐ.പി.എൽ ടൈറ്റിൽ സ്​പോൺസർഷിപ്പിനായി 2,199 കോടി രൂപയുടെ കരാർ ഒപ്പിട്ടിരുന്നു. ഇന്ത്യ-ചൈന സംഘർഷങ്ങളുടെ പശ്ചാത്തലത്തിൽ വിവോ പിന്മാറിയതോടെയാണ്​ പുതിയ സ്​പോൺസറെത്തേടി ബി.സി.സി.ഐ അന്വേഷണം തുടങ്ങിയത്​.

ഒരു വർഷത്തെ ഐ.പി.എൽ സീസണിനായി വിവോ ഏകദേശം 440കോടിയാണ്​ ബി.സി.സി​.ഐക്ക്​ നൽകിയിരുന്നത്​. ഇതി​െൻറ പകുതി തുകക്ക്​ മാത്രമാണ്​​ ഡ്രീം11മായി കരാറിലേർപ്പെടുന്നത്​. വിവോ അടുത്ത വർഷം വീണ്ടും സ്​പോൺസർഷിപ്പ്​ ഏറ്റെടുക്കുകയാണെങ്കിൽ ഡ്രീം 11 വഴിമാറേണ്ടിവരും.

സെപ്​റ്റംബർ 19 മുതൽ നവംബർ 10വരെ യു.എ.ഇയിലാണ്​ ഐ.പി.എൽ അരങ്ങേറുന്നത്​. നിലവിൽ ഐ.പി.എല്ലി​െൻറ സഹസ്​പോൺസറാണ്​ ഡ്രീം 11.