ഒന്നാം ഇന്നിങ്​സിൽ ലീഡ്​ വഴങ്ങിയിട്ടും ഇംഗ്ലണ്ട്​ പാകിസ്​താനെ വീഴ്​ത്തി

മാഞ്ചസ്​റ്റർ: ലീഡ്​ വഴങ്ങിയിട്ടും പാകിസ്​താനെതിരായ ഒന്നാം ടെസ്റ്റിൽ ഇംഗ്ലണ്ടിന്​ ആവേശകരമായ ജയം. 267 റൺസി​െൻറ വിജയ ലക്ഷ്യം പിന്തുടർന്നിറങ്ങിയ ഇംഗ്ലണ്ട്​ മൂന്ന്​ വിക്കറ്റ്​ ശേഷിക്കേ വിജയം നേടുകയായിരുന്നു.

ഒന്നാം ഇന്നിങ്​സിൽ 107 റൺസ്​ ലീഡ്​ നേടിയ പാകിസ്​താനെ രണ്ടാം ഇന്നിങ്​സിൽ 169 റൺസിന്​ പുറത്താക്കി ഇംഗ്ലണ്ട്​ ബൗളർമാർ തങ്ങളുടെ ദൗത്യം നിർവഹിച്ചതാണ്​ ഇംഗ്ലണ്ടിന്​ തുണയായത്​.

യാസിർ ഷായുടെ സ്​പിൻ ബൗളിങ്ങിന്​ മുമ്പിൽ ഇംഗ്ലീഷ്​ ബാറ്റ്​സ്​മാൻമാർ വട്ടംകറങ്ങിയതോടെ ​പാകിസ്​താൻ വിജയപ്രതീക്ഷയിലായിരുന്നു. അഞ്ചുവിക്കറ്റിന്​ 117 റൺസെന്ന നിലയിലായിരുന്ന ഇംഗ്ലണ്ടിനെ 75 റൺസെടുത്ത ജോസ്​ ബട്​ലറും 84 റൺസെടുത്ത ക്രിസ്​ വോക്​സും ചേർന്ന്​ വിജയതീരത്തോടടുപ്പിക്കുകയായിരുന്നു.

സ്​കോർ: പാകിസ്​താൻ- 326, 169 ഇംഗ്ലണ്ട്​-219, 7ന്​ 277