ഫാഫ്​ ഡു​െപ്ലസിസിനെ അപമാനിച്ച്​ ദക്ഷിണാഫ്രിക്കൻ ക്രിക്കറ്റ്​ ബോർഡിന്‍റെ പോസ്റ്റ്​; പ്രതിഷേധവുമായി താരങ്ങൾ

​ദുബൈ: ഫാഫ്​ ഡു​െപ്ലസിസും ദക്ഷിണാഫ്രിക്കൻ ക്രിക്കറ്റ്​ ബോർഡും എന്താണ്​ പ്രശ്​നം?. ഉജ്ജ്വല ഫോമിൽ ഐ.പി.എല്ലിൽ ബാറ്റേന്തിയ ഫാഫ്​ ഡു​െപ്ലസിസിനെ ട്വന്‍റി 20 ലോകകപ്പ്​ ടീമിൽ നിന്നും ഒഴിവാക്കിയതിന്‍റെ അലയൊലികൾ ഇനിയും അടങ്ങിയിട്ടില്ല. എരിതീയിൽ എണ്ണയൊഴിച്ച്​ ക്രിക്കറ്റ്​ ദക്ഷിണാഫ്രിക്കയുടെ പുതിയ പോസ്റ്റ്​ കൂടി എത്തിയതോടെ വിവാദം വീണ്ടും കൊഴുക്കുകയാണ്​.

ഐ.പി.എൽ ചാമ്പ്യൻമാരായ ചെന്നൈ സൂപ്പർ കിങ്​സിനെ അഭിനന്ദിച്ചുള്ള ക്രിക്കറ്റ്​ ദക്ഷിണാഫ്രിക്കയുടെ പോസ്റ്റിൽ ലുൻഗി എൻഗിഡിയെ മാത്രമാണ്​ മെൻഷൻ ചെയ്​തത്​. ഫൈനലിൽ മാൻ ഓഫ്​ ദി മാച്ചായി തെരഞ്ഞെടുത്ത ഫാഫ്​ ഡു​െപ്ലസിയെയും എൻഗിഡിയെപ്പോലെ റിസർവ്​ ബെഞ്ചിലിരുന്ന ഇമ്രാൻ താഹിറിനെയും പോസ്റ്റിൽ പരാമർശിക്കാതിരുന്നത്​ ഏവരെയും ഞെട്ടിച്ചു.

തൊട്ടുപിന്നാലെ പോസ്റ്റിൽ ''റിയലി???' എന്ന കമ​േന്‍റാടെ ഡു​െപ്ലസിസ്​ തന്നെയെത്തി. ദക്ഷിണാഫ്രിക്കൻ പോസ്​ ബൗളർ ഡെയ്​ൽ സ്​റ്റെയ്​ൻ കടുത്ത പ്രതിഷേധമാണ്​ രേഖപ്പെടുത്തിയത്​. ''ആരാണ്​ ഈ അക്കൗണ്ട്​ നടത്തുന്നത്​. ഫാഫ്​ ഡു​െപ്ലസിസും ഇമ്രാൻ താഹിറും വിരമിച്ചിട്ടില്ല. രണ്ടുപേരും ദക്ഷിണാഫ്രിക്കൻ ക്രിക്കറ്റിന്​ ദീർഘകാലം സംഭാവനകൾ നൽകിയവരാണ്​. അവരെക്കുറിച്ചുള്ള പരാമർശം പോലുമില്ലേ?. ഇത്​ ശരിയല്ല'' -സ്​റ്റെയിൻ കമന്‍റ്​ ചെയ്​തു.

തുടർന്ന്​ കുറച്ചുനേരത്തിന്​ ശേഷം പഴയ പോസ്റ്റ്​ ഡിലീറ്റ്​ ചെയ്​ത്​ പുതിയത്​ ​പോസ്റ്റ്​ ചെയ്​താണ്​ ക്രിക്കറ്റ്​ ദക്ഷിണാഫ്രിക്ക പ്രശ്​നം പരിഹരിച്ചത്​. ചെന്നൈക്ക്​ ആശംസകൾ നേർന്ന പോസ്റ്റിൽ ഡ​ു​െപ്ലസിയെ പ്രത്യേകം പരാമർ​ശിക്കുകയും ചെയ്​തു.

16 മത്സരങ്ങളിൽ കളത്തിലിറങ്ങിയ ഡു​െപ്ലസി 633 റൺസാണ്​ സീസണിൽ അടിച്ചുകൂട്ടിയത്​. ആറു അർധ സെഞ്ച്വറികളും നേടി. 635 റൺസെടുത്ത സഹതാരം റിഥുരാജ്​ ഗെയ്​ക്​വാദിന്‍റെ പേരിലുള്ള ഓറഞ്ച്​ ക്യാപ്പ്​ തലനാരിഴക്കാണ്​ ഡു​െപ്ലസിക്ക്​ നഷ്​ടമായത്​. ഡു​​െപ്ലസിയെ ലോകകപ്പ്​ ടീമിൽ ഉൾപ്പെടുത്താത്തതിൽ ആരാധകർ പ്രതിഷേധം ഉയർത്തുന്നുണ്ട്​.