ഫാഫ്​ ഡു​െപ്ലസിസ്​ ടെസ്റ്റ്​ ക്രിക്കറ്റിൽ നിന്നും വിരമിച്ചു

പ്രി​ട്ടോറിയ: ദക്ഷിണാഫ്രിക്കയുടെ മുൻ ക്യാപ്​റ്റനും സമകാലിക ക്രിക്കറ്റിലെ മികച്ച ബാറ്റ്​സ്​മാൻമാരിലൊരാളുമായ ഫാഫ്​ ഡു​​െപ്ലസിസ്​ ടെസ്റ്റ്​ ക്രിക്കറ്റിൽ നിന്നും വിരമിച്ചു. പാകിസ്​താൻ പര്യടനത്തിൽ ഏകപക്ഷീയമായ തോൽവി വഴങ്ങിയതിന്​ പിന്നാലെയാണ്​ ഫാഫ്​ വെള്ളക്കുപ്പായത്തോട്​ വിടപറയുന്നത്​.

കോവിഡ്​ പശ്ചാത്തലത്തിൽ ആസ്​ട്രേലിയ ദക്ഷിണാഫ്രിക്കൻ പര്യടനം റദ്ദാക്കിയതോടെയാണ്​ ഡു​െപ്ലസിസിന്‍റെ വിരമിക്കലിന്​ അരങ്ങൊരുങ്ങിയത്​. ഏതാനും ആഴ്ചകൾക്ക്​ മുമ്പുനടന്ന ശ്രീലങ്കൻ പര്യടനത്തിൽ തന്‍റെ കരിയറിലെ ഉയർന്ന സ്​കോറായ 199 റൺസ്​ നേടി ഫാഫ്​ കൈയ്യടി നേടിയിരുന്നു. 2016 മുതൽ 2019വരെ ടെസ്റ്റിൽ ദക്ഷിണാഫ്രിക്കയെ നയിച്ച താരം മോശം ഫോമിനെത്തുടർന്ന്​ ഡികോക്കിന്​ നായകസ്ഥാനം കൈമാറിയിരുന്നു.

നായകനായിരിക്കേ ആസ്​ട്രേലിയയിലെ സ്വന്തം നാട്ടിലും അവരുടെ നാട്ടിലും പരാജയപ്പെടുത്തിയതാണ്​ ഡു​െപ്ലസിയുടെ ശ്രദ്ധേയനേട്ടം. 36കാരനായ താരം 2012ലെ ആസ്​ട്രേലിയക്കെതിരെ അരങ്ങേറ്റ ടെസ്റ്റിൽ നിർണായക സമയത്ത്​ നേടിയ സെഞ്ച്വറിയോടെയാണ്​ ശ്രദ്ധിക്കപ്പെടുന്നത്​.

69 ടെസ്റ്റുകളിൽ നിന്നായി 40.03 ശരാശരിയിൽ 4163 റൺസാണ്​ ഡു​െപ്ലസിയുടെ സമ്പാദ്യം. പത്ത്​ സെഞ്ച്വറികളും 21 അർധ സെഞ്ച്വറികളും താരത്തിന്‍റെ ബാറ്റിൽ നിന്നും പിറന്നിട്ടുണ്ട്​​. അതേസമയം താരം ഏകദിനത്തിലും ട്വന്‍റി 20യിലും ദക്ഷിണാഫ്രിക്കക്കായി കളിക്കും. ഐ.പി.എല്ലിൽ ചെന്നൈ സൂപ്പർകിങ്​സിന്‍റെ താരമാണ്​​.