അർജുൻ ടെണ്ടുൽക്കർ മുംബൈ ഇന്ത്യൻസിൽ? ​ൈവറൽ ചിത്രം കണ്ട്​ ചോദ്യങ്ങളുമായി ആരാധകർ

ന്യൂഡൽഹി: ഇന്ത്യൻ ക്രിക്കറ്റ്​ ഇതിഹാസം സചിൻ ടെണ്ടുൽക്കർ വിരമിച്ചിട്ട്​ ഏഴു വർഷം കഴിഞ്ഞെങ്കിലും താര കുടുംബവുമായി ബന്ധപ്പെട്ട സംഭവങ്ങൾക്ക്​ വൻ വാർത്താ പ്രാധാന്യം കൈവരാറുണ്ട്​.

സചി​െൻറ മകനും വളർന്ന്​ വരുന്ന കളിക്കാരനും കൂടിയായ അർജുൻ ടെണ്ടുൽക്കർ ആരാധകരുടെ കണ്ണിലുണ്ണിയാണ്​. കഴ​ിഞ്ഞ ദിവസം 20കാരൻ യു.എ.ഇയിൽ മുംബൈ ഇന്ത്യൻസ്​ കളിക്കാരുടെ കൂടെ സ്വിമ്മിങ്​ പൂളിൽ വെച്ചെടുത്ത ചിത്രം വൈറലായി മാറി.

ട്രെൻറ്​ ബോൾട്ട്​, ജെയിംസ്​ പാറ്റിൻസൺ എന്നീ ​ഫാസ്​റ്റ്​ ബൗളർമാർക്കൊപ്പമായിരുന്നു ഇട​ൈങ്കയ്യൻ പേസറായ അർജു​െൻറ നീരാട്ട്​. അർജുനെ ഇവർക്കൊപ്പം ചിത്രത്തിൽ കണ്ടതോടെ ആരാധകർ സംശയങ്ങളുമായെത്തി. അർജുൻ എന്താണ്​ ടീമി​െൻറ കൂടെ യു.എ.ഇയിൽ, സീസണിൽ അർജുൻ മുംബൈ ജഴ്​സിയണിയുന്നുണ്ടോ എന്നതായിരുന്ന സുപ്രധാന ചോദ്യം.

നെറ്റ്​ ബൗളറായാണ്​ ഓൾറൗണ്ടറായ അർജുൻ യു.എ.ഇയിലേക്ക്​ പറന്നത്​. സ്വന്തം താരങ്ങളായിരിക്കണം നെറ്റ്​ ബൗളർമാരായി ഉണ്ടാവേണ്ടതെന്ന കർശന നിർദേശത്തി​െൻറയും രാജ്യത്തെ കളിക്കാരുടെ ദൗർബല്യവും പരിഗണിച്ചാണ്​ മുംബൈ ബൗളർമാരെ കൂടെ കൂട്ടിയത്​.

53 ദിവസം നീണ്ടുനിൽക്കുന്ന ടുർണമെൻറിനിടെ ഏതെങ്കിലും താരത്തിന്​ പരിക്കേൽക്കുകയോ കോവിഡ്​ സ്​ഥിരീകരിക്കുകയോ ചെയ്താൽ അർജുന്​ കളിക്കാൻ അവസരം ലഭിച്ചേക്കും. പകരക്കാരനായി ടീമിന്​ മറ്റൊരാളെ തെരഞ്ഞെടുക്കാൻ ബി.സി.സി.ഐയുടെ അനുവാദം ഉണ്ട്​.

2018ൽ ശ്രീലങ്കക്കെതിരെ അണ്ടർ 19 ഇന്ത്യൻ ടീമിനായി അർജുൻ അരങ്ങേറിയിരുന്നു. മുംബൈ രഞ്​ജി ടീമിലും ഇന്ത്യൻ സീനിയർ ടീമിലും കയറി പറ്റാനുള്ള കഠിന പ്രയത്​നത്തിലാണ്​ താരമിപ്പോൾ.

നിലവിലെ ജേതാക്കളായ മുംബൈ സെപ്റ്റംബർ 19ന്​ നടക്കുന്ന ഉദ്​ഘാടന മത്സരത്തിൽ റണ്ണേഴ്​സ്​ അപ്പായ ചെന്നൈ സൂപ്പർ കിങ്​സിനെ നേരിടും. അബൂദബിയിൽ വെച്ചാണ്​ മത്സരം.