മുൻ ദക്ഷിണാഫ്രിക്കൻ പേസറുടെ സഹോദരൻ വെടിയേറ്റ്​ മരിച്ചു

കേപ്​ടൗൺ: മുൻ ദക്ഷിണാഫ്രിക്കൻ ക്രിക്കറ്റ്​ താരം വെർനോൻ ഫിലാൻഡറുടെ സഹോദരൻ തൈറോൺ ഫിലാൻഡർ വെടിയേറ്റ്​ മരിച്ചു. കേപ്​ടൗണിലെ ജന്മനാട്ടിൽ വെച്ച്​ ബുധനാഴ്​ചയാണ്​ ദാരുണ സംഭവം.

സഹോദര​െൻറ ക്രൂരമായ കൊലപാതകം സ്​ഥിരീകരിച്ച ഫിലാൻഡർ പ്രത്യേക സാഹചര്യത്തിൽ കുടുംബത്തി​െൻറ സ്വകാര്യത മാനിക്കണമെന്ന്​ ട്വിറ്ററിലൂടെ അഭ്യർഥിച്ചു.

'പൊലീസി​െൻറ അന്വേഷണം നടക്കുകയാണ്​. പൊലീസിന്​ കണിശമായി അന്വേഷണം നടത്താനുള്ള സാഹചര്യം ഒരുക്കിക്കൊടുക്കാൻ മാധ്യമങ്ങളോട്​ അഭ്യർഥിക്കുന്നു. സംഭവത്തെ കുറിച്ച്​ കൂടുതൽ വിവരങ്ങൾ ലഭ്യമായിട്ടില്ല. ഊഹങ്ങൾ ഈ സാഹചര്യത്തിൽ കുടുംബത്തിന്​ വളരേ പ്രയാസകരമായിരിക്കും. തൈറോൺ ഞങ്ങളുടെ ഹൃദയങ്ങളിൽ ജീവിക്കുന്നു. അവ​െൻറ ആത്മാവിന്​ നിത്യശാന്തി നേരുന്നു' -വെർനോൻ കൂട്ടിച്ചേർത്തു.

അയൽവാസിക്ക്​ വെള്ളമെത്തിക്കാൻ പുറത്തിറങ്ങിയ സമയത്താണ്​ തൈറോണിന്​ വെടിയേറ്റതെന്ന്​ പ്രാദേശിക മാധ്യമങ്ങൾ റിപോർട്ട്​ ചെയ്​തു.