നാലര മാസത്തിനിടെ, ഗാംഗുലി വിധേയനായത്​ 22 കോവിഡ്​ ടെസ്​റ്റുകൾക്ക്​..!

കൊൽക്കത്ത: കളത്തിൽ കീഴടങ്ങാത്ത നിശ്ചയദാർഢ്യത്തി​െൻറ പ്രതീകമായിരുന്നു സൗരവ്​ ഗാംഗുലി. ഇന്ത്യൻ ക്രിക്കറ്റ്​ കൺട്രോൾ ബോർഡ്​ പ്രസിഡൻറ്​ സ്​ഥാനത്തും ഇപ്പോൾ മികച്ച 'പ്രകടന'മാണ്​ മുൻ ഇന്ത്യൻ ക്യാപ്​റ്റ​േൻറത്​. യു​.എ.ഇയിൽ ഐ.പി.എൽ ടൂർണമെൻറ്​ വിജയകരമായി നടത്തിയത്​ ഉൾപെടെ തിരക്കുപിടിച്ച ദിനങ്ങളായിരുന്നു കഴിഞ്ഞ കുറച്ചു മാസങ്ങളിൽ 'ദാദ'യുടേത്​.

ഈ തിരക്കിനും ഔദ്യോഗിക ചുമതലകൾക്കുമിടയിൽ കഴിഞ്ഞ നാലര മാസത്തിനിടെ 22 തവണ കോവിഡ്​ 19 പരിശോധനകൾക്ക്​ വിധേയനായതായി ഗാംഗുലി വെളിപ്പെടുത്തി. പരിശോധനയിൽ ഒരിക്കൽ​േപാലും പൊസിറ്റീവ്​ ആയിട്ടി​െല്ലന്നും അദ്ദേഹം വ്യക്​തമാക്കി.

'എനിക്ക്​ ചുറ്റിലും കോവിഡ്​ ബാധിതരുണ്ടായിരുന്നു. അതുകൊണ്ട്​ പലപ്പോഴും പരിശോധനക്ക്​ വിധേയനാകേണ്ടിവന്നു. നാലര മാസത്തിനിടെ 22 തവണയാണ്​ കോവിഡ്​ ടെസ്​റ്റിന്​ വി​േധയനായത്​. എന്നാൽ, ഒരിക്കൽപോലും ഫലം പൊസിറ്റീവ്​ ആയില്ലെന്നത്​ ആശ്വാസമായി.

പ്രായമായ മാതാപിതാക്കളോടൊപ്പമാണ്​ ഞാൻ താമസിക്കുന്നത്​. ഐ.പി.എല്ലിനായി ദുബൈയിൽ പോകേണ്ടി വന്നു. എ​െൻറ കാര്യത്തിൽ മാത്രമല്ല, എ​െൻറ ചുറ്റിലുള്ളവരെ കുറിച്ചും ഞാൻ ആശങ്കാകുലനായിരുന്നു. അതു​െകാണ്ടുതന്നെ എല്ലാവരും സുരക്ഷിതരും ആ​േരാഗ്യവാന്മാരുമാണെന്ന്​ ഉറപ്പുവരുത്താൻ ഒ​ട്ടേറെ ടെസ്​റ്റുകൾ നടത്തേണ്ടത്​ അനിവാര്യമായിരുന്നു.' -ഗാംഗുലി പറഞ്ഞു.