'കിട്ടിയ കാശിന്​ പരമാവധി നൽകി' ; വിമർശകരുടെ വായടപ്പിച്ച് ​െഗ്ലൻ മാക്​സ്​വെൽ​

ചെന്നൈ: 14.25കോടിക്ക്​ ​െഗ്ലൻ മാക്​സ്​വെല്ലിനെ റോയൽ ചാലഞ്ചേഴ്​സ്​ ബാംഗ്ലൂർ ചാലഞ്ചേഴ്​സ്​ സഞ്ചിയിലാക്കിയപ്പോൾ ഐ.പി.എൽ ലേലക്കമ്മിറ്റി വരെ ഒന്ന്​ നെറ്റി ചുളിച്ചിരിക്കണം. അതിന്​ മതിയായ കാരണവുമുണ്ടായിരുന്നു. 2020ൽ കിങ്​സ്​ ഇലവൻ പഞ്ചാബ്​ ജഴ്​സിയിൽ ഏതാണ്ടെല്ലാ മത്സരങ്ങളിലും കളത്തിലിറങ്ങിയിട്ടും ഒരു സിക്​സർ പോലും നേടാനാകാതെ നാണംകെട്ടാണ്​ മാക്​സ്​വെൽ സീസൺ അവസാനിപ്പിച്ചത്​.

ക്രൂരമായ പരിഹാസങ്ങൾക്കും മാക്​സ്​വെൽ പലകുറി ഇരയായി. മാക്​സ്​വെൽ ഐ.പി.എല്ലിന്​ വരുന്നത്​ സൗജന്യമായി ലഭിക്കുന്ന കൂൾ ഡ്രിങ്ക്​സ്​ ആസ്വദിക്കാനും ചിയർ ലീഡറായിട്ടുമാണെന്നായിരുന്നു വീരേന്ദർ സെവാഗിന്‍റെ പരിഹാസം. ഐ.പി.എല്ലിന്​ പിന്നാലെ നടന്ന ഇന്ത്യയുടെ ആസ്​ട്രേലിയൻ പര്യടനത്തിൽ പക്ഷേ യു.എ.ഇയിൽ കണ്ട മാക്​സ്​വെല്ലിനെയായിരുന്നില്ല ക്രിക്കറ്റ്​ ലോകം കണ്ടത്​. പന്തുകൾ അടിച്ചുപറത്തുന്നതിനിടെ വിക്കറ്റിന്​ പിന്നിൽ നിന്നിരുന്ന പഞ്ചാബ്​ നായകൻ കൂടിയായ കെ.എൽ രാഹുലിനോട്​ ഐ.പി.എല്ലിലെ മോശം പ്രകടനത്തിന്​ ക്ഷമചോദിക്കുകയും ചെയ്​തിരുന്നു മാക്​സ്​വെൽ.

ഐ.പി.എല്ലിൽ 2014ലൊഴികെ മറ്റൊരു സീസണിലും തിളങ്ങാത്ത മാക്​സ്​വെല്ലിന്​ 14.25 കോടി നൽകിയപ്പോൾ ബാംഗ്ലൂരിനെ പരിഹസിച്ചവരെല്ലാം ഇ​േപ്പാൾ കൈകൊടുക്കുകയാണ്​. ഐ.പി.എൽ ​േപ്ല ഓഫിനോട്​ അടുക്കു​േമ്പാൾ 14 ഇന്നിങ്​സുകളിൽ നിന്നും 498 റൺസുമായി മാക്​സ്​വെൽ റൺവേട്ടക്കാരിൽ ആദ്യ അഞ്ചിൽ തന്നെയുണ്ട്​. ഇതിനോടകം തന്നെ കുറിച്ചത്​ ആറു അർധ സെഞ്ച്വറികൾ. ശരാശരി 45.27. സീസണിൽ കൂടുതൽ സിക്​സ്​ നേടിയവരിൽ 21 എണ്ണവുമായി രണ്ടാമതുണ്ട്​. 147.33 സ്​ട്രൈക്ക്​ റേറ്റിലാണ്​ മാക്​സ്​വെൽ ഇത്രയും റൺസ്​ അടിച്ചുകൂട്ടിയത്​.കൂടെ മുന്ന്​ വിക്കറ്റുകളും എണ്ണം പറഞ്ഞ ഫീൽഡിങ്ങ്​ മികവും. കൊടുത്ത കാശിന്​ ഏറ്റവും പരമാവധി പ്രകടനം തന്നെ മാക്​സ്വെൽ നൽകിയപ്പോൾ അത്​ ബാംഗ്ലൂരിനും ജീവ ശ്വാസമായി.

ഇന്ത്യയിൽ നടന്ന ഐ.പി.എൽ ആദ്യ ഘട്ടത്തിൽ തകർപ്പൻ പ്രകടനം നടത്തിയ മാക്​സ്​വെൽ യു.എ.ഇയിലും ഈ പ്രകടനംആവർത്തിക്കുകയായിരുന്നു. 2016ന്​ ശേഷം ഐ.പി.എല്ലിൽ മാക്​സ്​വെൽ അർധ സെഞ്ച്വറി നേടുന്നതും ഈ സീസണിലാണ്​​.

കോഹ്​ലിയും പടിക്കലും വീണ​ ശേഷം സമ്മർദ ഘട്ടത്തിലേക്ക്​ ടീം വഴുതി വീഴുന്ന അവസരത്തിലാണ്​ ഏറിയ മത്സരങ്ങളിലും ക്രീസിലെത്തിയതെങ്കിലും മാക്​സ്​വെൽ അതിനെയെല്ലാം മറികടക്കുകയായിരുന്നു. പതിവുപോലെ സ്​പിന്നർമാരാണ്​ മാക്​സ്​വെലി​െൻറ ക്രൂരമായ ആക്രമണത്തിന്​ പലകുറിയും ഇരയായത്​. നിർണായകമായ ​േപ്ല ഓഫിലും മാക്​സ്​വെലി​െൻറ ബാറ്റ്​ തുണക്കുമെന്ന പ്രതീക്ഷയിലാണ്​ ബാംഗ്ലൂർ ആരാധകർ.