“അതൊരു നല്ല ചോദ്യമാണ്. പക്ഷേ, എനിക്കറിയില്ല,” കമന്റേറ്ററെ ട്രോളി സഞ്ജു സംസൺ

ജയ്പൂർ: ഞായറാഴ്ച രാത്രി സൺറൈസേഴ്സ് ഹൈദരാബാദിനോടേറ്റ ടീമിന്റെ നാടകീയ തോൽവിക്ക് ശേഷം സംസാരിക്കവേയാണ് രാജസ്ഥാൻ നായകൻ സഞ്ജു സാംസണിന്റെ വിചിത്രമായ മറുപടി. തോൽവിയെക്കുറിച്ച് വിശദമായി സംസാരിച്ച സഞ്ജു സാംസൺ തോൽവിയിലുള്ള വിഷമം മറച്ചുവെച്ചിരുന്നില്ല. ഇതിനിയിലാണ് ആദ്യം ബാറ്റ് ചെയ്യുമ്പോൾ കൂടുതൽ റൺസ് കൂട്ടിച്ചേർക്കാനാകുമായിരുന്നില്ലേ എന്ന ചോദ്യം കമന്റേറ്റർ ചോദിച്ചത്.

കുറച്ച് നേരം ആലോചിച്ച്, 'അതൊരു നല്ല ചോദ്യമാണ്, പക്ഷേ, എനിക്കറിയില്ല' എന്ന വിചിത്ര മറുപടിയാണ് നൽകിയത്.മറുപടി കേട്ട് കമന്റേറ്റർ അൽപനേരം നിശബ്ദനായി. അവസാനപന്തുവരെ ആവേശം നിറഞ്ഞു നിന്ന മത്സരത്തിൽ 20 ഓവറിൽ 215 എന്ന കൂറ്റൻ വിജയ ലക്ഷ്യമാണ് സൺറൈസേഴ്സ് മറികടന്നത്.