ഐ​തി​ഹാ​സി​ക ഓ​ർ​മ​ക​ൾ​ക്ക് മു​ന്നിലൊ​രു റീത്ത്

ഹ​രാ​രെ: സിം​ബാ​ബ്‌​വെ ക്രി​ക്ക​റ്റ് ടീം മുൻ ​ക്യാ​പ്റ്റ​ൻ ഹീ​ത്ത് സ്ട്രീ​ക്കിന്‍റെ (49) നിര്യാണത്തോടെ വിടപറഞ്ഞത് അ​ന്താ​രാ​ഷ്ട്ര ക്രി​ക്ക​റ്റി​ലെ മി​ക​ച്ച ഓ​ൾ റൗ​ണ്ട​ർ​മാ​രി​ലൊ​രാൾ. സിം​ബാ​ബ്‌​വെ ക്രി​ക്ക​റ്റി​ന്റെ സു​വ​ർ​ണ​കാ​ല​മാ​യ 1990 മു​ത​ൽ 2000ത്തി​ന്‍റെ തു​ട​ക്കം വ​രെ​യു​ള്ള കാ​ല​യ​ള​വി​ൽ ടീ​മി​ന്‍റെ നെ​ടു​ന്തൂ​ണാ​യി​രു​ന്നു ഹീത്ത് സ്ട്രീക്ക്.

1974 മാ​ർ​ച്ച് 16നാ​ണ് ബു​ലാ​വോ​യി​ലാ​ണ് സ്ട്രീ​ക്ക് ജ​നി​ച്ച​ത്. 1993ൽ ​അ​ന്താ​രാ​ഷ്ട്ര ക്രി​ക്ക​റ്റി​ൽ അ​ര​ങ്ങേ​റി. 2005 വ​രെ സിം​ബാ​ബ് വേ​ക്ക് വേ​ണ്ടി ടെ​സ്റ്റി​ലും ഏ​ക​ദി​ന​ത്തി​ലു​മാ​യി 250ൽ ​അ​ധി​കം മ​ത്സ​ര​ങ്ങ​ൾ ക​ളി​ച്ചി​ട്ടു​ണ്ട്. ഇ​ട​ക്ക് ക്യാ​പ്റ്റ​നു​മാ​യി. ആ​കെ 4933 റ​ൺ​സും 455 വി​ക്ക​റ്റു​ക​ളും സ്വ​ന്ത​മാ​ക്കി. അ​ന്താ​രാ​ഷ്ട്ര ക്രി​ക്ക​റ്റി​ൽ സിം​ബാ​ബ്‌​വെ​ക്കാ​യി കൂ​ടു​ത​ൽ വി​ക്ക​റ്റ് നേ​ടി​യ താ​രം കൂ​ടി​യാ​ണ്. 2004ൽ ​ക്രി​ക്ക​റ്റ് ബോ​ർ​ഡു​മാ​യു​ള്ള അ​ഭി​പ്രാ​യ വ്യ​ത്യാ​സ​ത്തെ​ത്തു​ട​ർ​ന്നാ​ണ് ക്യാ​പ്റ്റ​ൻ സ്ഥാ​നം രാ​ജി​വെ​ച്ച​ത്. ഒ​രു വ​ർ​ഷ​ത്തി​നു ശേ​ഷം 31ാം വ​യ​സ്സി​ൽ വി​ര​മി​ക്കു​ക​യും ചെ​യ്തു.

കൊ​ൽ​ക്ക​ത്ത നൈ​റ്റ് റൈ​ഡേ​ഴ്സ്, വി​സ്മൃ​തി​യി​ലാ​യ ഗു​ജ​റാ​ത്ത് ല​യ​ൺ​സ്, ബം​ഗ്ലാ​ദേ​ശ്, സോ​മ​ർ​സെ​റ്റ് ടീ​മു​ക​ളു​ടെ ബൗ​ളി​ങ് പ​രി​ശീ​ല​ക​നാ​യി​രു​ന്നു. ഉ​ത്ത​ർ​പ്ര​ദേ​ശ് ക്രി​ക്ക​റ്റ് അ​സോ​സി​യേ​ഷ​ൻ അ​ക്കാ​ദ​മി​യു​ടെ ക​ൺ​സ​ൾ​ട്ട​ന്റു​മാ​യി​രു​ന്നു. 2021ൽ ​ഐ.​സി.​സി പെ​രു​മാ​റ്റ​ച്ച​ട്ട ലം​ഘ​ന​ത്തി​ന്റെ പേ​രി​ൽ എ​ട്ട് വ​ർ​ഷ​ത്തേ​ക്ക് സ്ട്രീ​ക്കി​നെ ക്രി​ക്ക​റ്റി​ൽ​നി​ന്ന് വി​ല​ക്കി.

സിം​ബാ​ബ്‌​വെ മെ​റ്റാ​ബെ​ലെ ലാ​ൻ​ഡി​ലെ വ​സ​തി​യി​ൽ ഞാ​യ​റാ​ഴ്ച പു​ല​ർ​ച്ചെ​യാ​യി​രു​ന്നു അ​ന്ത്യം. ഭാ​ര്യ ന​ദി​ൻ സ്ട്രീ​ക്കാ​ണ് മ​ര​ണ​വി​വ​രം സ്ഥി​രീ​ക​രി​ച്ച​ത്. അ​ർ​ബു​ദ രോ​ഗ ബാ​ധി​ത​നാ​യി ദീ​ർ​ഘ​നാ​ളാ​യി ചി​കി​ത്സ​യി​ലാ​യി​രു​ന്നു സ്ട്രീ​ക്ക്.

ക​ഴി​ഞ്ഞ മേ​യി​ൽ സിം​ബാ​ബ് വേ ​താ​രം സീ​ൻ വി​ല്യം​സാ​ണ് രോ​ഗാ​വ​സ്ഥ​യു​ടെ ഗൗ​ര​വം പു​റം​ലോ​ക​ത്തെ അ​റി​യി​ച്ച​ത്. കു​റേ​നാ​ൾ ദ​ക്ഷി​ണാ​ഫ്രി​ക്ക​യി​ലാ​യി​രു​ന്നു ചി​കി​ത്സ. ഏ​താ​നും ദി​വ​സം മു​മ്പ് ഹീ​ത്ത് സ്ട്രീ​ക്ക് മ​രി​ച്ച​താ​യി അ​ഭ്യൂ​ഹ​ങ്ങ​ൾ വ​ന്നി​രു​ന്നെ​ങ്കി​ലും അ​ദ്ദേ​ഹ​വു​മാ​യി ബ​ന്ധ​പ്പെ​ട്ട​വ​ർ നി​ഷേ​ധി​ച്ചി​രു​ന്നു. സ്ട്രീ​ക്ക് വി​ട​വാ​ങ്ങി​യെ​ന്ന് സ​ഹ​താ​ര​മാ​യി​രു​ന്ന ഹെൻറി ഒ​ലോ​ങ്ക ട്വീ​റ്റ് ചെ​യ്തു. പി​ന്നീ​ട് സ്ട്രീ​ക്കു​മാ​യി ചാ​റ്റ് ചെ​യ്ത​തി​ന്റെ സ്ക്രീ​ൻ​ഷോ​ട്ട​ട​ക്കം പു​റ​ത്തു​വി​ട്ട് ഒ​ലോ​ങ്ക ത​ന്നെ ഇ​ത് തി​രു​ത്തു​ക​യു​ണ്ടാ​യി.