'ഒരിക്കലും തോൽവി സമ്മതിക്കാത്ത കോഹ്‍ലിയുടെ മനോഭാവമാണ് ഇഷ്ടം'; വിരാട് കോഹ്‍ലിയെ പുകഴ്ത്തി പാക് താരങ്ങൾ

ഇന്ത്യൻ ക്രിക്കറ്റ് താരം വിരാട് കോഹ്‍ലിയെ പുകഴ്ത്തി പാകിസ്താൻ ക്രിക്കറ്റ് താരങ്ങൾ. ലോകകപ്പിലെ ഇന്ത്യ-പാകിസ്താൻ മത്സരത്തിന് മുന്നോടിയായി സ്റ്റാർ സ്​പോർട്സ് പുറത്തിറക്കിയ വിഡിയോയിലാണ് താരങ്ങളുടെ കോഹ്‍ലിയെ കുറിച്ചുള്ള അഭിപ്രായപ്രകടനം. ഒരിക്കലും തോറ്റു കൊടുക്കാത്ത കോഹ്‍ലിയുടെ മനോഭാവമാണ് തനിക്കിഷ്ടമെന്ന് പാകിസ്താൻ മുൻനിര ബാറ്റർ ഇമാം ഉൾ ഹഖ് പറഞ്ഞു.

സ്വന്തം നാട്ടിൽ ആസ്ട്രേലിയൻ താരങ്ങളുമായി അവൻ കലഹിച്ചത് എനിക്ക് ഇഷ്ടമായിരുന്നു. ഏത് സാഹചര്യത്തിലും നേട്ടങ്ങളുണ്ടാക്കാൻ കഴിയുമെന്ന് കോഹ്‍ലി ഉറച്ച് വിശ്വസിക്കുന്നു. റൺസിനായുള്ള കോഹ്‍ലിയുടെ വിശപ്പ് ഒരിക്കലും അവസാനിക്കുന്നില്ലെന്നും ഇമാം ഉൾ ഹഖ് പറഞ്ഞു.

കോഹ്‍ലിക്കായി നെറ്റ്സിൽ പന്തെറിയുന്ന സമയത്ത് പന്ത് കൃത്യമായി എവിടെ പിച്ച് ചെയ്യുമെന്ന് അദ്ദേഹത്തിന് അറിയാമായിരുന്നു. നെറ്റ്സിൽ പോലും അദ്ദേഹം അഗ്രഷൻ കാണിച്ചിരുന്നുവെന്ന് പാക് പേസർ ഹാരിസ് റൗഫ് പറഞ്ഞു.

കോഹ്‍ലിയുടെ ഫിനിഷിങ് ഷോട്ടുകൾ മറ്റ് കളിക്കാരിൽ നിന്നും തീർത്തും വിഭിന്നമാണെന്നും ആരും അതിന്റെ അടുത്തേക്ക് എത്തില്ലെന്നും പാക് താരം മുഹമ്മദ് റിസ്വാൻ പറഞ്ഞു. വിരാടിന്റെ റൺസിനായുള്ള ദാഹവും സ്വയം മെച്ചപ്പെടാനുള്ള കഴിവുമാണ് തന്നെ ആകർഷിച്ചതെന്ന് പാക് ആൾ റൗണ്ടർ ഷഹദാബ് ഖാനും വ്യക്തമാക്കി.

രോ​ഹി​ത്തി​ന്റെ​യും വി​രാ​ടി​ന്റെ​യും ബാ​റ്റു​ക​ളും ജ​സ്​​പ്രീ​തി​ന്റെ പ​ന്തും വാ​ചാ​ല​മാ​കാ​നൊ​രു​ങ്ങു​ന്ന അ​ഹ്മ​ദാ​ബാ​ദ് ന​രേ​ന്ദ്ര മോ​ദി മൈ​താ​ന​ത്ത് ഇ​ന്ന് ക്രി​ക്ക​റ്റി​ലെ ഏ​റ്റ​വും ആ​വേ​ശ​ക​ര​മാ​യ അ​യ​ൽ​പോ​രാണ് നടക്കുന്നത്. ലോ​ക​ക​പ്പി​ൽ ഏ​ഴു​വ​ട്ടം മു​ഖാ​മു​ഖം നി​ന്നി​ട്ടും ഇ​ന്ത്യ​ക്കെ​തി​രെ ഒ​രി​ക്ക​ൽ പോ​ലും ജ​യി​ക്കാ​നാ​യി​ല്ലെ​ന്ന മോ​ശം റെ​ക്കോ​ഡ് മ​റി​ക​ട​ക്കാ​മെ​ന്ന മോ​ഹ​വു​മാ​യി പാ​കി​സ്താ​ൻ പാ​ഡു​കെ​ട്ടു​മ്പോ​ൾ ഇ​തു​വ​രെ​യും കാ​ത്ത അ​പ​രാ​ജി​ത കു​തി​പ്പ് തു​ട​രാ​നാ​ണ് ആ​തി​ഥേ​യ​രു​ടെ അ​ങ്ക​ക്ക​ലി.

അ​മി​താ​ഭ് ബ​ച്ച​നും ര​ജ​നി​കാ​ന്തും പോ​ലു​ള്ള ഇ​തി​ഹാ​സ​ങ്ങ​ൾ ക​ളി കാ​ണാ​നെ​ത്തു​ന്ന മൈ​താ​ന​ത്ത് ഇ​ത്തി​രി നേ​ര​ത്തേ ആ​ഘോ​ഷം കൊ​ഴു​പ്പി​ച്ചാ​കും മ​ത്സ​ര​ത്തി​ന് തു​ട​ക്ക​മാ​കു​ക. ആദ്യ രണ്ട് മത്സരങ്ങളും ജയിച്ച് തികഞ്ഞ ആത്മവിശ്വാസത്തോടെയാണ് ഇന്ത്യ അഹമ്മദാബാദിലെ സ്റ്റേഡിയത്തിലിറങ്ങുക.