ടെസ്റ്റിൽ കണ്ടതല്ല ഇംഗ്ലണ്ട്!; നാളെ മുതൽ​ തീപാറും പോരാട്ടം

ന്യൂഡൽഹി: ടെസ്റ്റ്​ പരമ്പരയിലെ 3-1ന്‍റെ ഏകപക്ഷീയ ജയങ്ങത്തിന്​ ശേഷം ഞായറാഴ്ച മുതൽ ഇന്ത്യ ഇംഗ്ലണ്ടിനെ നേരിടാനൊരുങ്ങുകയാണ്​. വൈറ്റ്​ ബോൾ ക്രിക്കറ്റിൽ സമീപകാലത്തായി ഏറ്റവും മികച്ച റെക്കോർഡുള്ള ഇംഗ്ലണ്ടിനെതിരെ സ്വന്തം നാട്ടിൽ ഇന്ത്യ കളിക്കാനിറങ്ങു​േമ്പാൾ പോരാട്ടം തീപാറുമെന്നുറപ്പ്​.

ടെസ്റ്റിലെപ്പോലെ സ്ഥിരതയില്ലാത്ത ബാറ്റിങ്​ ലൈനപ്പല്ല ട്വന്‍റി 20യിൽ ഇംഗ്ലണ്ടിനുള്ളത്​. വേണ്ടിവന്നാൽ 11ാമൻ വരെ ബാറ്റേന്തുന്ന ഇംഗ്ലണ്ട് ടീം​ കടലാസിൽ ലോകത്തെ ഏറ്റവും മികച്ച ലിമിറ്റഡ്​ ഓവർ സംഘമാണ്​. ജേസൺ റോയ്​, ജോസ്​ ബട്​ലർ എന്നീ വമ്പൻമാർ ഇന്നിങ്​സ്​ ഓപ്പൺ ചെയ്യുന്ന ഇംഗ്ലണ്ടിനായി മൂന്നാ​മതെത്തുക ലോക ഒന്നാം നമ്പർ താരം ഡേവിഡ്​ മലാനാണ്​. നാലാമനായി ക്യാപ്​റ്റൻ ഇയാൻ മോർഗൻ. തൊട്ടുപിന്നാലെ സാക്ഷാൽ ബെൻ സ്​റ്റോക്​സും ജോണി ബാരിസ്​റ്റോയും. അതുകൊണ്ടും തീർന്നില്ല. സാംകറൻ, മുഈൻ അലി എന്നീ ആൾ റൗണ്ടർമാരുടെ ഊഴമാണ്​ പിന്നീട്​​. തുടർന്നെത്തുന്ന ജോഫ്ര ആർച്ചർ, മാർക്​ വുഡ്​, ആദിൽ റഷീദ്​ എന്നീ ബൗളർമാരും വേണ്ടി വന്നാൽ ഒരു കൈ നോക്കാൻ പോന്നവരാണ്​.

മറുവശത്ത്​ ഇന്ത്യയും മോശക്കാരല്ല. വിരാട്​ കോഹ്​ലി, രോഹിത്​ ശർമ, കെ.എൽ രാഹുൽ, ശിഖർധവാൻ, ഹാർദിക്​ പാണ്ഡ്യ എന്നീ വമ്പൻമാർക്കൊപ്പം ഋഷഭ്​ പന്ത്​, ശ്രേയസ്​ അയ്യർ എന്നിവർ ആദ്യ ഇലവനിൽ സ്ഥാനം പിടിക്കാനാണ്​ സാധ്യത. ഐ.പി.എല്ലിൽ വെടിക്കെട്ടുകൾ തീർത്ത ഇഷാൻ കിഷൻ, സൂര്യ കുമാർ യാദവ്​ അടക്കമുള്ളവർ പരമ്പരയിൽ അരങ്ങേറ്റം പ്രതീക്ഷിക്കുന്നു. ബൗളിങ്ങിൽ ജസ്​പ്രീത്​ ബുംറക്കൊപ്പം പരിക്ക്​ മാറി മടങ്ങിയെത്തിയ ഭുവനേശ്വർ കുമാർ സ്ഥാനം പിടിക്കും. സ്​പിന്നറായി യൂസ്​വേന്ദ്ര ചാഹലിനാണ്​ സാധ്യത.

പരമ്പരയിലെ അഞ്ച്​ മത്സരങ്ങളും അഹമ്മദാബാദ്​ മൊ​േട്ടര സ്​റ്റേഡിയത്തിലാണ്​ അരങ്ങേറുന്നത്​. മാർച്ച്​ 12 മുതൽ മാർച്ച്​ 20 വരെ ഒന്നിടവിട്ട ദിവസങ്ങളിൽ വൈകീട്ട്​ ഏഴുമണിക്കാണ്​ മത്സരം. ഈ വർഷം ​നടക്കുന്ന ട്വന്‍റി 20 ലോകകപ്പിൽ ഏറ്റവുമധികം സാധ്യത കൽപ്പിക്കപ്പെടുന്ന രണ്ട്​ ടീമുകൾ പരസ്​പരം ഏറ്റുമുട്ടു​േമ്പാൾ പോരാട്ടം തീപാറുമെന്നുറപ്പ്​.