ഇന്ത്യൻ സ്​പിൻ മാജിക്​​ വീണ്ടും; ഇംഗ്ലണ്ട്​ 205 റൺസിന്​ എല്ലാവരും പുറത്ത്​

അഹ്​മദാബാദ്​: കുത്തിത്തിരിയുന്ന പിച്ചെന്ന്​ പഴിയേറെ കേട്ട അഹ്​മദാബാദ്​ സ്​റ്റേഡിയത്തിൽ വീണ്ടും കരുത്തു തെളിയിച്ച്​ ഇന്ത്യൻ സ്​പിന്നർമാർ​. നാലാം ടെസ്റ്റിന്‍റെ ഒന്നാം ദിവസം ആദ്യം ബാറ്റു ചെയ്​ത ഇംഗ്ലണ്ട്​ 205 റൺസ്​ എടുക്ക​ു​േമ്പാഴേക്ക്​ എല്ലാവരും പുറത്തായി. ഓപണിങ്​ ജോഡിയെ പിഴുത്​ അക്​സർ പ​േട്ടൽ തുടങ്ങിയ വിക്കറ്റ്​ വേട്ട അശ്വിനും മുഹമ്മദ്​ സിറാജും വാഷിങ്​ടൺ സുന്ദറും ചേർന്ന്​ പൂർത്തിയാക്കിയപ്പോൾ ബെൻ സ്​റ്റോക്​സ്​, ഡാൻ ലോറൻസ്​ എന്നിവർ ഒഴികെ എല്ലാവരും കാര്യമായ സമ്പാദ്യമില്ലാതെ പുറത്തായി. ഓപണർമാരായ സാക്​ ക്രോളി ഒമ്പതു റൺസിലും ഡോം സിബ്​ലി രണ്ടു റൺസിലും നിൽക്കെ പ​േട്ടലിന്​ വിക്കറ്റ്​ നൽകി മടങ്ങിയതോടെ ഇംഗ്ലീഷ്​ ബാറ്റിങ്ങിന്‍റെ തകർച്ച വ്യക്​തമായിരുന്നു. ജോണി ബെയർസ്​റ്റോ (28) പിടിച്ചുനിൽക്കാൻ ശ്രമിച്ചെങ്കിലും മുഹമ്മദ്​ സിറാജ്​ എൽ.ബി.ഡബ്ല്യുവിൽ കുരുക്കി. ​വൈകാതെ ജോ റൂട്ടും (05) സിറാജിന്​ തന്നെ വിക്കറ്റ്​ നൽകി. ബെൻ സ്​റ്റോക്​സ്​ അർധ സെഞ്ച്വറി തികച്ചെങ്കിലും റൺസ്​ 55ൽ നിൽക്കെ മടങ്ങി. വാഷിങ്​ടൺ സുന്ദറായിരുന്നു ബൗളർ. ഓയിലി പോപ്​, ബെൻ ഫോക്​സ്​, ജാക്​ ലീച്ച്​ എന്നിവരെ അശ്വിൻ മടക്കിയപ്പോൾ വാലറ്റത്ത്​ ഡോം ബെസും ഡാൻ ലോറൻസും അക്​സർ പ​േട്ടലിനു മുന്നിൽ കീഴടങ്ങി.

മറുപടി ബാറ്റിങ്ങിനിറങ്ങിയ ഇന്ത്യക്ക്​ തുടക്കത്തിലേ ശുഭ്​മാൻ ഗില്ലിനെ നഷ്​ടമായി. ആൻഡേഴ്​സണാണ്​ ഗില്ലിനെ സംപൂജ്യനാക്കി വിക്കറ്റിനു മുന്നിൽകുടുക്കിയത്​. രോഹിത്​ ശർമയും ചേതേശ്വർ പൂജാരയും ക്രീസിലുണ്ട്​.

അഹ്​മദാബാദ്​ നരേന്ദ്ര മോദി സ്​റ്റേഡിയത്തിൽ ഇംഗ്ലണ്ടി​നായിരുന്നു ടോസ്​. ബാറ്റിങ്​ തെരഞ്ഞെടുത്ത ടീമിന്‍റെ മധ്യനിര ഒഴികെ പരാജയമായത്​ തിരിച്ചടിയായി.

നാലു ടെസ്റ്റുകളടങ്ങിയ പരമ്പരയിൽ ആദ്യ ടെസ്റ്റ്​ ഗംഭീര വിജയവുമായി തുടങ്ങിയ ഇംഗ്ലണ്ട്​ പിന്നീടുള്ള രണ്ടും തോറ്റ്​ നാണക്കേടിനരികെയാണ്​. മറുവശത്ത്​, രണ്ടു ദിവസം കൊണ്ട്​ മൂന്നാം ടെസ്റ്റ്​ അവസാനിപ്പിച്ച ഇന്ത്യ​ ആത്​മവിശ്വാസത്തിന്‍റെ നെറുകെയും. ​ജൊഫ്ര ആർചറെയും സ്​റ്റുവർട്ട്​ ബ്രോഡിനെയും പുറത്തിരുത്തി പകരം ലോറൻസ്​, ബെസ്​ എന്നിവർക്ക്​ അവസരം നൽകിയാണ്​ സന്ദർശകർ ഇറങ്ങിയത്​. ഇന്ത്യൻ നിരയിൽ ജസ്​പ്രീത്​ ബുംറക്കു പകരക്കാരനായി ഇറങ്ങിയ മുഹമ്മദ്​ സിറാജ്​ ആദ്യ ദിനം തന്നെ രണ്ടു വിക്കറ്റ്​ വീഴ്​ത്തുകയും ചെയ്​തു.