ഇന്ത്യ എ ദുലീപ് ട്രോഫി ചാമ്പ്യൻമാർ

ഹൈ​ദ​രാ​ബാ​ദ്: സെ​ഞ്ച്വ​റി നേ​ട്ട​ത്തോ​ടെ ശാ​ശ്വ​ത് റാ​വ​ത്തും മി​ക​ച്ച ബൗ​ളി​ങ് പ്ര​ക​ട​ന​വു​മാ​യി ത​നു​ഷ് കോ​ടി​യ​നും പ്ര​സി​ദ്ധ് കൃ​ഷ്ണ​യും ന​യി​ച്ച​പ്പോ​ൾ ഇ​ന്ത്യ ‘സി’​ക്കെ​തി​രെ ത​ക​ർ​പ്പ​ൻ ജ​യ​വു​മാ​യി ദു​ലീ​പ് ട്രോ​ഫി​യി​ൽ ഇ​ന്ത്യ എ ​ചാ​മ്പ്യ​ന്മാ​ർ. ര​ണ്ട് ഇ​ന്നി​ങ്സി​ലും മി​ക​വു​കാ​ട്ടു​ക​യും എ​തി​രാ​ളി​ക​ൾ​ക്ക് കാ​ര്യ​മാ​യ അ​വ​സ​രം ന​ൽ​കാ​​ത്ത പ്ര​ക​ട​ന​വു​മാ​യി ക​ളി ന​യി​ക്കു​ക​യും ചെ​യ്താ​യി​രു​ന്നു 132 റ​ൺ​സ് ജ​യം. ഇ​തോ​ടെ മൂ​ന്ന് ക​ളി​ക​ളി​ൽ 12 പോ​യ​ന്റ് കു​റി​ച്ചാ​ണ് ടീം ​​പ​ട്ടി​ക​യി​ൽ ഒ​ന്നാ​മ​താ​യി ചാ​മ്പ്യ​ൻ​പ​ട്ടം മാ​റോ​ടു​ചേ​ർ​ത്ത​ത്. സ്കോ​ർ ഇ​ന്ത്യ എ 297 & 286/8 ​ഡി​ക്ല. ഇ​ന്ത്യ സി 234 & 217.

​ര​ണ്ട് ക​ളി​ക​ളി​ൽ ആ​റ് പോ​യ​ന്റ് സ​മ്പാ​ദ്യ​വു​മാ​യാ​ണ് അ​വ​സാ​ന റൗ​ണ്ട് മ​ത്സ​ര​ത്തി​ന് ടീം ​ഇ​റ​ങ്ങി​യ​ത്. ഒ​മ്പ​ത് പോ​യ​ന്റു​ള്ള ഇ​ന്ത്യ ‘സി’​യെ​ക്കാ​ൾ മൂ​ന്ന് പോ​യ​ന്റ് പി​റ​കി​ലാ​യ​തി​നാ​ൽ നാ​ലു നാ​ൾ പോ​രാ​ട്ട​ത്തി​ൽ സ​മ്പൂ​ർ​ണ ജ​യം മാ​ത്ര​മേ കി​രീ​ടം ന​ൽ​കൂ എ​ന്ന​താ​യി​രു​ന്നു സ്ഥി​തി.

അ​വ​സാ​ന ദി​ന​ത്തി​ൽ 350 റ​ൺ​സ് വി​ജ​യ​ല​ക്ഷ്യ​വു​മാ​യി ഇ​റ​ങ്ങി​യ ഇ​ന്ത്യ സി 217 ​റ​ൺ​സി​ൽ എ​ല്ലാ​വ​രും കീ​ഴ​ട​ങ്ങു​ക​യാ​യി​രു​ന്നു. വി​ജ​യി​ക​ൾ​ക്കാ​യി കൃ​ഷ്ണ​യും കോ​ടി​യ​നും മൂ​ന്നു​വീ​തം വി​ക്ക​റ്റു​ക​ൾ വീ​ഴ്ത്തി. ആ​ദ്യ ഇ​ന്നി​ങ്സി​ൽ 124 റ​ൺ​സു​മാ​യി ടീ​മി​ന്റെ പോ​രാ​ട്ടം ന​യി​ച്ച ശാ​ശ്വ​ത് ര​ണ്ടാം ഇ​ന്നി​ങ്സി​ലും അ​ർ​ധ സെ​ഞ്ച്വ​റി (53) കു​റി​ച്ചി​രു​ന്നു.

ഇ​ന്ത്യ ‘എ’​ക്കാ​യി റി​യാ​ൻ പ​രാ​ഗ് (73) അ​ർ​ധ സെ​ഞ്ച്വ​റി നേ​ടി. മ​റു​വ​ശ​ത്ത്, ഇ​ന്ത്യ ‘സി’​ക്കാ​യി സാ​യ് സു​ദ​ർ​ശ​ൻ സെ​ഞ്ച്വ​റി ക​ട​ന്ന് ഒ​റ്റ​ക്കു​ന​യി​ച്ച പോ​രാ​ട്ടം പാ​ഴാ​യി. 206 പ​ന്തി​ൽ 12 ഫോ​റു​ക​ളു​ടെ അ​ക​മ്പ​ടി​യി​ൽ 111 റ​ൺ​സാ​യി​രു​ന്നു താ​ര​ത്തി​ന്റെ സ​മ്പാ​ദ്യം. ഋ​തു​രാ​ജ് ഗെ​യ്ക്‍വാ​ദ് 44 റ​ൺ​സു​മാ​യി പി​ടി​ച്ചു​നി​ൽ​ക്കാ​ൻ ശ്ര​മി​ച്ചെ​ങ്കി​ലും ആ​റു​പേ​ർ ര​ണ്ട​ക്കം കാ​ണാ​തെ മ​ട​ങ്ങി.