ഇന്ത്യൻ ഓൾറൗണ്ടർ ശിവം ദുബെ വിവാഹിതനായി
text_fieldsമുംബൈ: ഇന്ത്യൻ ക്രിക്കറ്റ് താരം ശിവം ദുബെ വിവാഹിതനായി. വെള്ളിയാഴ്ച മുംബൈയിൽ നടന്ന സ്വകാര്യ ചടങ്ങിൽ വെച്ചാണ് ദീർഘകാല സുഹൃത്തായിരുന്ന അഞ്ജൂം ഖാന് ദുബെ വരണമാല്യം ചാർത്തിയത്.
വിവാഹവാർത്ത രാജസ്ഥാൻ റോയൽ താരമായ ദുബെ ട്വിറ്ററിലൂടെ പുറംലോകത്തെ അറിയിച്ചു. വിവാഹ വാർത്ത പുറത്ത് വന്നതോടെ സഹതാരങ്ങളും ആരാധകരും സാമൂഹിക മാധ്യമങ്ങളിലൂടെ താരത്തിന് ആശംസകൾ നേർന്നു.
ചിത്രങ്ങൾ കാണാം:
28കാരനായ ദുബെ 13 ട്വന്റി20കളിലും ഒരു ഏകദിനത്തിലും ഇന്ത്യൻ ജഴ്സിയണിഞ്ഞിട്ടുണ്ട്. 2020 ഫെബ്രുവരിയിൽ ന്യൂസിലൻഡിനെതിരെയായിരുന്നു അവസാനമായി ഇന്ത്യക്കായി കളിച്ചത്. മിനി താരലേലത്തിൽ 4.40 കോടി രൂപ മുടക്കിയാണ് കൂറ്റനടിക്കാരനായ ദുബെയെ രാജസ്ഥാൻ സ്വന്തം പാളയത്തിലെത്തിച്ചത്. സീസണിൽ ആറ് മത്സരങ്ങളിൽ നിന്ന് താരം 145 റൺസ് സ്കോർ ചെയ്തിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.