ഇ​ന്ത്യ-​ആ​സ്ട്രേ​ലി​യ വ​നി​ത ടെ​സ്റ്റ് ഇ​ന്നു മു​ത​ൽ

മും​ബൈ: ഇ​ന്ത്യ, ആ​സ്ട്രേ​ലി​യ വ​നി​ത ടീ​മു​ക​ൾ ത​മ്മി​ൽ ടെ​സ്റ്റ് ക്രി​ക്ക​റ്റ് ബ​ന്ധം തു​ട​ങ്ങി​യി​ട്ട് അ​ര നൂ​റ്റാ​ണ്ടി​നോ​ട​ടു​ക്കു​ന്നു. ഇ​തി​നി​ട​യി​ൽ പ​ത്ത് മ​ത്സ​ര​ങ്ങ​ളാ​ണ് ക​ളി​ച്ച​ത്.

നാ​ലെ​ണ്ണ​ത്തി​ൽ ആ​സ്ട്രേ​ലി​യ ജ​യി​ച്ച​പ്പോ​ൾ ബാ​ക്കി ആ​റും സ​മ​നി​ല​യി​ൽ ക​ലാ​ശി​ച്ചു. ഇ​ന്ത്യ നാ​ട്ടി​ലോ മ​റു​നാ​ട്ടി​ലോ ഓ​സീ​സ് വ​നി​ത ടീ​മി​നെ ഒ​രു ടെ​സ്റ്റ് പോ​ലും ജ​യി​ച്ചി​ട്ടി​ല്ലെ​ന്ന​ർ​ഥം.

ഇ​ന്നു​മു​ത​ൽ നാ​ല് നാ​ൾ വാം​ഖ​ഡെ സ്റ്റേ​ഡി​യ​ത്തി​ൽ ഇ​രു ടീ​മും ഏ​റ്റു​മു​ട്ടു​ക​യാ​ണ്. ക​ഴി​ഞ്ഞ​യാ​ഴ്ച ഇം​ഗ്ല​ണ്ടി​നെ ലോ​ക റെ​ക്കോ​ഡ് മാ​ർ​ജി​നി​ൽ തോ​ൽ​പി​ച്ച ആ​തി​ഥേ​യ​ർ​ക്ക് ആ​സ്ട്രേ​ലി​യ​ക്കെ​തി​രാ​യ ചെ​റി​യ ജ​യം പോ​ലും ച​രി​ത്ര​മാ​കും.

ഇം​ഗ്ല​ണ്ടി​നെ​തി​രാ‍യ ട്വ​ന്റി20 പ​ര​മ്പ​ര ന​ഷ്ട​മാ​യ ക്ഷീ​ണ​ത്തി​ൽ ഇ​റ​ങ്ങി​യ ഇ​ന്ത്യ ഏ​ക ടെ​സ്റ്റ് പി​ടി​ച്ച​ട​ക്കി​യ​ത് 347 റ​ൺ​സി​ന്. ഒ​ന്നാം ഇ​ന്നി​ങ്സി​ൽ 400നു​മു​ക​ളി​ൽ സ്കോ​ർ ചെ​യ്ത് മി​ക​വ് കാ​ട്ടി ബാ​റ്റ​ർ​മാ​ർ. പി​ന്നാ​ലെ ര​ണ്ട് ഇ​ന്നി​ങ്സി​ലും ഇം​ഗ്ലീ​ഷു​കാ​രി​ക​ളെ 150നു​ള്ളി​ൽ ചു​രു​ട്ടി​ക്കെ​ട്ടി. ബൗ​ള​ർ​മാ​രി​ൽ സ്പി​ന്ന​ർ ദീ​പ്തി ശ​ർ​മ​യു​ടെ പ്ര​ക​ട​നം എ​ടു​ത്തു​പ​റ​യ​ണം. മ​ത്സ​ര​ത്തി​നി​ടെ പ​രി​ക്കേ​റ്റ ബാ​റ്റ​ർ ശു​ഭ സ​തീ​ഷി​ന്റെ സേ​വ​നം ആ​സ്ട്രേ​ലി​യ​ക്കെ​തി​രെ ഇ​ന്ത്യ​ക്ക് ല​ഭി​ക്കാ​ൻ സാ​ധ്യ​ത​യി​ല്ലെ​ന്നാ​ണ് റി​പ്പോ​ർ​ട്ടു​ക​ൾ. മെ​ഗ് ലാ​നി​ങ് ക​ളം​വി​ട്ട​തോ​ടെ ആ​സ്ട്രേ​ലി​യ​യു​ടെ ക്യാ​പ്റ്റ​ൻ സ്ഥാ​നം ഏ​റ്റെ​ടു​ത്ത അ​ലീ​സ ഹീ​ലി തി​ക​ഞ്ഞ ആ​ത്മ​വി​ശ്വാ​സ​ത്തോ​ടെ​യാ​ണ് എ​ത്തി​യി​രി​ക്കു​ന്ന​ത്. ടെ​സ്റ്റി​നു​ശേ​ഷം ഇ​രു ടീ​മും ത​മ്മി​ൽ ഏ​ക​ദി​ന പ​ര​മ്പ​ര​യു​മു​ണ്ട്.