തോ​റ്റാ​ൽ പ​രാ​ജ​യ പ​ര​മ്പ​ര; ഇ​ന്ത്യ-​ബം​ഗ്ലാ​ദേ​ശ് ര​ണ്ടാം ഏ​ക​ദി​നം ഇ​ന്ന്

മി​ർ​പു​ർ: ചെ​റി​യ സ്കോ​ർ പ്ര​തി​രോ​ധി​ക്കു​ന്ന​തി​ൽ ബൗ​ള​ർ​മാ​ർ ഏ​റ​ക്കു​റെ വി​ജ​യി​ച്ചി​ട്ടും ആ​ദ്യ ക​ളി അ​വ​സാ​ന വി​ക്ക​റ്റി​ൽ കൈ​വി​ട്ടു​പോ​യ ഇ​ന്ത്യ​ക്ക് ബം​ഗ്ലാ​ദേ​ശി​നെ​തി​രാ​യ ഏ​ക​ദി​ന പ​ര​മ്പ​ര​യി​ലെ ര​ണ്ടാം മ​ത്സ​ര​ത്തി​ൽ ജ​യി​ച്ചേ തീ​രൂ. ബു​ധ​നാ​ഴ്ച​ത്തെ മ​ത്സ​രം​കൂ​ടി തോ​റ്റാ​ൽ മൂ​ന്നു ക​ളി​ക​ള​ട​ങ്ങി​യ പ​ര​മ്പ​ര ന​ഷ്ട​മാ​വും. ന്യൂ​സി​ല​ൻ​ഡ് പ​ര്യ​ട​ന​ത്തി​ൽ​നി​ന്ന് വ്യ​ത്യ​സ്ത​മാ​യി ഇ​ന്ത്യ ഒ​ന്നാം​നി​ര​യെ​ത്ത​ന്നെ​യാ​ണ് ബം​ഗ്ലാ​ദേ​ശി​ലേ​ക്ക് അ​യ​ച്ചി​രി​ക്കു​ന്ന​ത്. രോ​ഹി​ത് ശ​ർ​മ, വി​രാ​ട് കോ​ഹ്‍ലി, ശി​ഖ​ർ ധ​വാ​ൻ, കെ.​എ​ൽ. രാ​ഹു​ൽ തു​ട​ങ്ങി​യ​വ​രു​ൾ​പ്പെ​ട്ട പു​ക​ൾ​പെ​റ്റ ബാ​റ്റി​ങ് സ്ക്വാ​ഡ് പ​രാ​ജ​യ​മാ​യ​താ​ണ് തോ​ൽ​വി​ക്ക് കാ​ര​ണം. ഏ​ഴു കൊ​ല്ലം മു​മ്പ് ഇ​ന്ത്യ ഒ​ടു​വി​ൽ ബം​ഗ്ലാ​ദേ​ശി​ൽ പോ​യ​പ്പോ​ൾ പ​ര​മ്പ​ര 1-2ന് ​ന​ഷ്ട​മാ​യ​തി​ന്റെ ഓ​ർ​മ​ക​ളി​ൽ​നി​ന്ന് മോ​ച​നം നേ​ടു​ക കൂ​ടി രോ​ഹി​ത്തി​ന്റെ​യും സം​ഘ​ത്തി​ന്റെ​യും ല​ക്ഷ്യ​മാ​ണ്.

70 പ​ന്തി​ൽ 73 റ​ൺ​സെ​ടു​ത്ത രാ​ഹു​ൽ ഒ​ഴി​കെ ഒ​രു ബാ​റ്റ​ർ​ക്കും ഒ​ന്നാം ഏ​ക​ദി​ന​ത്തി​ൽ 30 റ​ൺ​സു​പോ​ലും സ്കോ​ർ ചെ​യ്യാ​നാ​യി​ല്ല. ഫ​ലം ഇ​ന്ത്യ 186ന് ​ഓ​ൾ ഔ​ട്ട്. സ​മീ​പ​കാ​ല ച​രി​ത്ര​ത്തി​ലെ​ത്ത​ന്നെ ഏ​റ്റ​വും മോ​ശം സ്കോ​റാ​യി​രു​ന്നു ഇ​ത്. ബൗ​ള​ർ​മാ​ർ ന​ൽ​കി​യ തി​രി​ച്ച​ടി ഇ​ന്ത്യ​യെ ജ​യ​ത്തി​ന്റെ വ​ക്കി​ലെ​ത്തി​ച്ച​താ​ണ്. പ​ക്ഷേ, പ​ത്താം വി​ക്ക​റ്റി​ൽ 50ൽ ​അ​ധി​കം റ​ൺ​സ് ചേ​ർ​ത്ത ബം​ഗ്ലാ ക​ടു​വ​ക​ളു​ടെ പോ​രാ​ട്ട​വീ​ര്യ​ത്തി​നു മു​ന്നി​ൽ സ​ന്ദ​ർ​ശ​ക​ർ​ക്ക് മു​ട്ടു​മ​ട​ക്കേ​ണ്ടി​വ​ന്നു. സീ​നി​യ​ർ ബൗ​ള​ർ​മാ​രു​ടെ അ​ഭാ​വ​ത്തി​ൽ ദീ​പ​ക് ചാ​ഹ​ർ, മു​ഹ​മ്മ​ദ് സി​റാ​ജ്, ശ​ർ​ദു​ൽ ഠാ​കു​ർ തു​ട​ങ്ങി​യ​വ​ർ​ക്ക് കൂ​ടു​ത​ൽ അ​വ​സ​ര​വും കു​ൽ​ദീ​പ് സെ​ന്നി​ന് അ​ര​ങ്ങേ​റ്റ​വും ല​ഭി​ച്ചു. ഋ​ഷ​ഭ് പ​ന്തി​ന് വി​ശ്ര​മം അ​നു​വ​ദി​ച്ചി​ട്ടുണ്ട്. രാ​ഹു​ലി​ന് വി​ക്ക​റ്റ് കീ​പ്പ​റു​ടെ ചു​മ​ത​ല ന​ൽ​കി​യി​രി​ക്കു​ക​യാ​ണ്.