ഇന്ത്യൻ ക്രിക്കറ്റിനെ പുകഴ്​ത്തി ഇമ്രാൻ ഖാൻ, മികച്ച ടീമായത്​ അടിസ്ഥാന സൗകര്യം വികസിപ്പിച്ചതിനാൽ

ഇസ്​ലാമാബാദ്​: ഇന്ത്യൻ ക്രിക്കറ്റ്​ സംവിധാനത്തെ പുകഴ്​ത്തി പാകിസ്​താൻ പ്രധാനമന്ത്രി ഇമ്രാൻ ഖാൻ. ഇന്ത്യ ലോകത്തെ മികച്ച ടീമായത്​ തങ്ങളുടെ അടിസ്ഥാന സൗകര്യം വികസിപ്പിച്ചതിനാലാണെന്ന്​ ഇമ്രാൻ ഖാൻ അഭിപ്രായപ്പെട്ടു. പാകിസ്​താൻ മികച്ച ടീമാണെങ്കിലും ലോകത്തെ എല്ലാവരെയും തോൽപ്പിക്കാൻ കഴിയില്ല. കാരണം പാകിസ്​താൻ ക്രിക്കറ്റ്​ സംവിധാനം ഉൽപാദനക്ഷമമല്ലെന്നും ഇമ്രാൻ ഖാൻ പറഞ്ഞു.

''ഇപ്പോഴത്തെ ഇന്ത്യൻ ടീമിനെ നോക്കൂ. ഇന്ത്യ ലോകത്തെ മികച്ച ​ടീമായത്​ അവരുടെ ക്രിക്കറ്റ്​ സംവിധാനം വികസിപ്പിച്ചതിനാലാണ്​. നമുക്ക്​ അ​വരേക്കാൾ മികച്ച പ്രതിഭയുണ്ട്​. അടിസ്ഥാന സൗകര്യ വികസനം വളർത്തുകയും മികച്ച കളിക്കാരെ മിനുക്കിയെടുക്കുകയും വഴല നമ്മുടെ ടീം ലോകചാംപ്യൻമാരാകുമെന്ന്​ എനിക്ക്​ ആത്മവിശ്വാസമുണ്ട്​. സത്യസന്ധമായി പറഞ്ഞാൽ എനിക്ക്​ ​ക്രിക്കറ്റിന്​ വേണ്ടി ചിലവഴിക്കാൻ സമയമില്ല. കളി കാണാറുമില്ല. പക്ഷേ നമ്മുടെ ​ക്രിക്കറ്റ്​ സംവിധാനങ്ങൾ പടിപടിയായി മാറുന്നുണ്ട്​'' - ഇമ്രാൻ ഖാൻ പ്രതികരിച്ചു.

ലോകക്രിക്കറ്റിലെ എക്കാലത്തേയും മികച്ച ആൾറൗണ്ടർമാരിലൊരാളായാണ്​ ഇമ്രാൻ ഖാനെ പരിഗണിക്കുന്നത്​. പാകിസ്​താൻ 1992ൽ ലോകകപ്പ്​ നേടു​േമ്പാൾ ഇമ്രാൻഖാനായിരുന്നു നായകൻ.