ന്യൂസിലൻഡിന്‍റെ പകുതി വിക്കറ്റുകളും വീഴ്​ത്തി; പരമ്പര വിജയത്തിലേക്കടുത്ത്​ ഇന്ത്യ

മുംബൈ: ന്യൂസിലൻഡിനെതിരെ ഇന്ത്യ പരമ്പര വിജയത്തിനിരികിൽ. ആദ്യ ടെസ്​റ്റ്​ സമനിലയിലായതോടെ നിർണായകമായ അവസാന കളിയിൽ ഇന്ത്യ വ്യക്തമായ മുൻതൂക്കം നേടി.

രണ്ടാം ഇന്നിങ്​സിൽ കിവീസിനുമുന്നിൽ 540 റൺസി​െൻറ പടുകൂറ്റൻ വിജയലക്ഷ്യം ഉയർത്തിയ ഇന്ത്യ 140 റൺസിനിടെ എതിരാളികളുടെ പകുതി വിക്കറ്റുകളും വീഴ്​ത്തി. രണ്ടു ദിവസവും അഞ്ചു വിക്കറ്റും ശേഷിക്കെ ന്യൂസിലൻഡിന്​ ജയിക്കാൻ 400 റൺസ്​ കൂടി വേണം.

ഹെൻറി നികോൾസും (36) രചിൻ രവീന്ദ്രയുമാണ്​ (2) ക്രീസിൽ. ഡാരിൽ മിച്ചൽ 60 റൺസെടുത്തു. ക്യാപ്​റ്റൻ ​ടോം ലതാം (6), വിൽ യങ്​ (20), റോസ്​ ടെയ്​ലർ (6), ടോം ബ്ലൻഡൽ (0) എന്നിവരാണ്​ പുറത്തായ മറ്റു ബാറ്റർമാർ.

ഇന്ത്യക്കായി 17 റൺസിന്​ മൂന്നു വിക്കറ്റ്​ വീഴ്​ത്തിയ രവിചന്ദ്രൻ അശ്വിനാണ്​ തിളങ്ങിയത്​. അക്​സർ പ​​ട്ടേൽ ഒരു വിക്കറ്റെടുത്തു.

നേരത്തേ വിക്കറ്റ്​ നഷ്​ടമില്ലാതെ 69 എന്ന നിലയിൽ മൂന്നാം ദിനം ബാറ്റിങ്​ തുടങ്ങിയ ഇന്ത്യ ഏഴിന്​ 276 എന്ന നിലയിലാണ്​ രണ്ടാമിന്നിങ്​സ്​ ഡിക്ലയർ ചെയ്​തത്​. മായങ്ക്​ അഗർവാൾ 62 റൺസടിച്ചപ്പോൾ ചേതേശ്വർ പുജാരയും ശുഭ്​മൻ ഗില്ലും 47 റൺസ്​ വീതവും ക്യാപ്​റ്റൻ വിരാട്​ കോഹ്​ലി 36 റൺസുമെടുത്തു.

ശ്രേയസ്​ അയ്യർ 14ഉം വൃദ്ധിമാൻ സാഹ 13ഉം റൺസെടുത്തു. അവസാനഘട്ടത്തിൽ 26 പന്തിൽ 41 റൺസടിച്ച അക്​സർ പ​ട്ടേലാണ്​ ഡിക്ലറേഷൻ വേഗത്തിലാക്കിയത്​.