ആസ്​ട്രേലിയൻ പര്യടനം; സഞ്​ജു ഇന്ത്യൻ ട്വൻറി 20 ടീമിൽ, രോഹിത്​ ശർമയില്ല

ന്യൂഡൽഹി: നവംബർ 26 മുതൽ ആരംഭിക്കുന്ന ആസ്​ട്രേലിയൻ പര്യടനത്തിനുള്ള ഇന്ത്യൻ ടീമിനെ ബി.സി.സി.ഐ പ്രഖ്യാപിച്ചു. മലയാളി താരം സഞ്​ജു സാംസൺ ട്വൻറി 20 ടീമിൽ ഇടംപിടിച്ചു. ഐ.പി.എല്ലിനിടെ പരിക്കേറ്റ രോഹിത്​ ശർമയുടെ അഭാവത്തിൽ കെ.എൽ രാഹുലാണ്​ വൈസ്​ ക്യാപ്​റ്റൻ. പരിക്കേറ്റ ഭുവനേശ്വർ കുമാറും ഇശാന്ത്​ ശർമയും ടീമിലിടം പിടിച്ചില്ല. ബി.സി.സി.ഐ മെഡിക്കൽ ടീം രോഹിത്​ ശർമയുടെയും ഇശാന്ത്​ ശർമയുടെയും പരിക്കിൻറ​ പുരോഗതി നിരീക്ഷിക്കും.

ഐ.പി.എല്ലിലെ മികച്ച പ്രകടനത്തി​െൻറ മികവിൽ വരുൺ ചക്രവർത്തി, ദീപക്​ ചഹാർ, മായങ്ക്​ അഗർവാൾ തുടങ്ങിയവർ ടിമിലിടം പിടിച്ചു. നവദീപ്​ സൈനി മൂന്ന്​ ഫോർമാറ്റുകളിലും ഇടം പിടിച്ചപ്പോൾ മുഹമ്മദ്​ സിറാജ്​ ടെസ്​റ്റ്​ ടീമിലുൾ​പ്പെട്ടു. ഐ.പി.എല്ലിൽ വൻ പരാജയമായ കേദാർ ജാദവ്​, ദിനേശ്​ കാർത്തിക്​ എന്നിവർക്ക് ഒരു ഫോർമാറ്റിലും​ ടീമിലിടം പിടിക്കാനായില്ല. മഹേന്ദ്ര സിങ്​ ധോണി അന്താരാഷ്​ട്ര മത്സരങ്ങളിൽ നിന്നും വിരമിച്ച ശേഷമുള്ള ആദ്യ ടൂർണമെൻറാണിത്​.

ട്വൻറി 20: വിരാട്​ കോഹ്​ലി (ക്യാപ്​റ്റൻ), ശിഖർ ധവാൻ, മായങ്ക്​ അഗർവാൾ, കെ.എൽ. രാഹുൽ (വൈസ്​ ക്യാപ്​റ്റൻ), ​ശ്രേയസ്​ അയ്യർ, മനീഷ്​ പാണ്ഡേ, ഹാർദിക്​ പാണ്ഡ്യ, സഞ്​ജു സാംസൺ, രവീന്ദ്ര ​ജദേജ, വാഷിങ്​ടൺ സുന്ദർ, യുസ്​വേന്ദ്ര ചാഹൽ, ജസ്​പ്രീത്​ ബുംറ, മുഹമ്മദ്​ ഷമി, നവദീപ്​ സൈനി, ദീപക്​ ചഹാർ, വരുൺ ചക്രവർത്തി.

ടെസ്​റ്റ്​ : വിരാട്​ കോഹ്​ലി (ക്യാപ്​റ്റൻ), മായങ്ക്​ അഗർവാൾ, കെ.എൽ. രാഹുൽ, പ്രഥ്വിഷാ, ചേതേശ്വർ പൂജാര, ആജിൻക്യ രഹാനെ (വൈസ്​ ക്യാപ്​റ്റൻ), ഹനുമ വിഹാരി, ശുഭ്​മാൻ ഗിൽ, വൃദ്ധിമാൻ സാഹ, ​ഋഷഭ്​ പന്ത്​, ജസ്​പ്രീത്​ ബുംറ, മുഹമ്മദ്​ ഷമി, നവദീപ്​ സൈനി, കുൽദീപ്​ യാദവ്​, ഉമേഷ്​ യാദവ്​, രവീന്ദ്ര ജദേജ, ആർ.അശ്വിൻ, മുഹമ്മദ്​ സിറാജ്​

ഏകദിനം: വിരാട്​ കോഹ്​ലി (ക്യാപ്​റ്റൻ), ശിഖർ ധവാൻ, കെ.എൽ. രാഹുൽ (വൈസ്​ ക്യാപ്​റ്റൻ), ശുഭ്​മാൻ ഗിൽ, ​ശ്രേയസ്​ അയ്യർ, മനീഷ്​ പാണ്ഡേ, ഹാർദിക്​ പാണ്ഡ്യ, മായങ്ക്​ അഗർവാൾ, രവീന്ദ്ര ജദേജ, യുസ്​വേന്ദ്ര ചാഹൽ, കുൽദീപ്​ യാദവ്​, ജസ്​പ്രീത്​ ബുംറ, മുഹമ്മദ്​ ഷമി, നവദീപ്​ ഷൈനി, ഷർദുൽ താക്കൂർ