ഈ കളിയൊക്കെ എവിടെയായിരുന്നു! വിശ്വരൂപം വീണ്ടെടുത്ത്​ ഇന്ത്യ കിവികളെ പറപറത്തി

ജയ്​പുർ: ഈ കളിയൊക്കെ കളിക്കേണ്ട സമയത്ത്​ കളിച്ചിരുന്നെങ്കിൽ ഒരു കിരീടം ​​ൈകയ്യിലായേനെയെന്ന്​ തോന്നാത്ത ഇന്ത്യക്കാരുണ്ടാവില്ല ! ലോകകപ്പിൽ അഡ്രസുണ്ടാക്കാനാവാതെ മടങ്ങിയതിനു പിന്നാലെ മാനം കാക്കാനായി സ്വന്തം മണ്ണിൽ കിവികക്കെതിരെ േപാരാട്ടത്തിനിറങ്ങിയ ഇന്ത്യ ജയിച്ചു. അവസാന ഓവർ വരെ ജയപരാജയ സാധ്യത മാറിമറിഞ്ഞ ജയ്​പുർ ട്വന്‍റി20 ​മത്സരത്തിൽ ലോകകപ്പ്​ റണ്ണേഴ്​സ്​ അപ്പുകളായ ന്യൂസിലൻഡിനെ അഞ്ചു വിക്കറ്റിനാണ്​​ ഇന്ത്യ തോൽപിച്ചത്​. മൂന്ന്​ മത്സരങ്ങളടങ്ങിയ പരമ്പരയിൽ ഇന്ത്യ ഇതോടെ 1-0ത്തിന്​ മുന്നിലെത്തി.

സ്​കോർ: ന്യൂസിലൻഡ്​ 164/6(20 ഓവർ)

ഇന്ത്യ: 166/5(19.4 ഓവർ)

ടോസ്​ നഷ്​ടപ്പെട്ട്​ ബാറ്റിങ്ങിനിറങ്ങിയ ന്യൂസിലൻഡ്​ നിശ്ചിത ഓവറിൽ ആറു വിക്കറ്റ്​ നഷ്​ടത്തിൽ 164 റൺസെടുത്തു. മറുപടി ബാറ്റിങ്ങിനിറങ്ങിയ ഇന്ത്യ രോഹിത്​ ശർമയുടെയും സൂര്യകുമാർ യാദവിന്‍റെയും കരുത്തിലാണ്​ ജയിച്ചത്​. ക്യാപ്​റ്റൻ രോഹിത്​ 36 പന്തിൽ 48 റൺസെടുത്തപ്പോൾ, സൂര്യകുമാർ യാദവ്​ 40 പന്തിൽ 62 റൺസെടുത്തു. ലോകേഷ്​ രാഹുൽ(15), ശ്രേയസ്​ അയ്യർ(5), വെങ്കിടേഷ്​ അയ്യർ(4) എന്നിവരുടെ വിക്കറ്റുകളും ഇന്ത്യക്ക്​ നഷ്​ടമായി. അവസാന ഓവറിൽ നാലാം പന്തിൽ ഫോർ അടിച്ചാണ്​ ഋഷഭ്​ പന്ത്​ (17) പുറത്താകാതെ ഇന്ത്യയെ ജയിപ്പിച്ചത്​. അക്​സർ പ​േട്ടൽ(1) പന്തിനൊപ്പം പുറത്താകാതെ നിന്നു.

ഒാപണർ മാർട്ടിൻ ഗപ്​ടിലിന്‍റെയും(42 പന്തിൽ 70), മാർക്ക്​ കാപ്​മാന്‍റെയും (50 പന്തിൽ 63) മികവിലാണ്​ കിവികൾ പൊരുതാവുന്ന സ്​കോറിലെത്തിയത്​. ഇരുവരുമല്ലാതെ കിവി നിരയിൽ മറ്റാർക്കും തിളങ്ങാനായില്ല. ഡാരിൽ മിച്ചൽ(0), ഗ്ലൻ ഫിലിപ്​(0), റാചിൻ രവീ​ന്ദ്ര(7) എന്നിവരെല്ലാം രണ്ടക്കം കാണാതെ പുറത്തായപ്പോൾ, മിച്ചൽ സാറ്റ്​നറും(4), ടീം സൗത്തിയും(0) പുറത്താകാതെ നിന്നു. കെയിൻ വില്ല്യംസണ്​ വിശ്രമം അനുവദിച്ചപ്പോൾ ടീം സൗത്തിയാണ്​ കിവികളെ നയിക്കുന്നത്​.

ഇന്ത്യക്കായി ഭുവനേശ്വർ കുമാറും ആർ അശ്വിനും രണ്ടു വിക്കറ്റും​ മുഹമ്മദ്​ സിറാജ്​ ദീപക്​ ചഹർ എന്നിവർ ഓരോ വിക്കറ്റ്​ വീതവും വീഴ്​ത്തി.