ദക്ഷിണാഫ്രിക്കക്ക് ടോസ്, ഇന്ത്യ ആദ്യം ബാറ്റ് ചെയ്യും; സഞ്ജു വീണ്ടും ഓപ്പണിങ് റോളിൽ

ഇന്ത്യ-ദക്ഷിണാഫ്രിക്ക ട്വന്‍റി-20 പരമ്പരയിലെ ആദ്യ മത്സരത്തിൽ ടോസ് ദക്ഷിണാഫ്രിക്കക്ക്. ടോസ് നേടിയ ദക്ഷിണാഫ്രിക്കൻ നായകൻ അയ്ഡെൻ മാക്രം ബൗളിങ് തെരഞ്ഞെടുത്തു. ദക്ഷിണാഫ്രിക്കൻ മണ്ണിൽ മടക്കുന്ന ട്വന്‍റി-20 പരമ്പരയിലെ നാല് മത്സരങ്ങളിലെ ആദ്യ മത്സരമാണിത്.

മഴക്ക് സാധ്യത കൽപിക്കുന്ന ദർബാൻ സ്റ്റേഡിയത്തിൽ ആദ്യ ബൗൾ ചെയ്യുന്നതാണ് നല്ലതെന്നായിരുന്നു പിച്ച് റിപ്പോർട്ട്. ജൂണിൽ നടന്ന ട്വന്‍റി-20 ലോകകപ്പ് ഫൈനലിന് ശേഷം ഇന്ത്യയും ദക്ഷിണാഫ്രിക്കയും ഏറ്റുമുട്ടുന്ന ആദ്യ മത്സരമാണിത്. വിശ്രമത്തിലുള്ള ഗൗതം ഗംഭീറിന് പകരം വി.വി.എസ് ലക്ഷമണാണ് ഇന്ത്യയുടെ കോച്ച്.

ഇന്ത്യൻ ടീം: അഭിഷേക് ഷർമ, സഞ്ജു സാംസൺ ( വിക്കറ്റ് കീപ്പർ), സൂര്യകുമാർ യാദവ് ( ക്യാപ്റ്റൻ), തിലക് വർമ, ഹർദിക് പാണ്ഡ്യ, റിങ്കു സിങ്, അക്സർ പട്ടേൽ, അർഷ്ദീപ് സിങ്, രവി ബിഷ്ണോയ്, ആവേഷ് ഖാൻ, വരുൺ ചക്രവർത്തി.

ദക്ഷിണാഫ്രിക്കൻ ടീം: റിയാൻ റിക്കെൽട്ടൺ (വിക്കറ്റ് കീപ്പർ), അയ്ഡെൻ മാക്രം, ട്രിസ്റ്റൻ സ്റ്റബ്സ്, ഹെയ്ൻറിച്ച് ക്ലാസൻ, ഡേവിഡ് മില്ലർ, പാട്രിക്ക് ക്രൂഗർ, മാർക്കോ ജൻസൻ, ആൻഡിലെ സിമാലാനെ, ഗെറാൾഡ് കൊയിറ്റ്സെ, കേശവ് മഹാരാജ്, ഖബയോസ്മി പീറ്റർ.